Santa & Cie: سانتا كلوز في مهمة لإنقاذ الكريسماس!
مع انخفاض حرارة الجو والطقس البارد اللي بنعاصره الأيام دي، بنفتكر أجواء الكريسماس والثلوج وحالة المرح والجو العائلي اللي بتصاحب الأيام دي، وهي دي النقطة الأساسية اللي بيلعب عليها الفيلم الفرنسي البلجيكي Christmas & Co.
القصة
Christmas & Co. بيحكي عن سانتا كلوز اللي بيجد نفسه في مهمة علشان ينقذ عيد الكريسماس من الضياع. المهمة اللي بتاخده لسلسلة طويلة من الأحداث الكوميدية واللي فيها جو مغامرات لا ينتهي.
فريق العمل
الفيلم من تأليف وإخراج آلان شبات ومن بطولته بالاشتراك مع جولشفتي فرحاني و بيو مارماي و برونو سانشيز و أودري توتو
الأداء التمثيلي
لو هانصنف الفيلم كفيلم مغامرات عائلي بيجمع أفراد العيلة لمشاهدته في ليلة باردة، في الحالة دي ممكن نقول أن الأداء التمثيلي كان جيد، لكن لو هانقيم الفيلم على مستوى عالي من التوقعات هايكون الأداء التمثيلي من وجهة نظرنا محتاج كتير من التعديل. لكن في النهاية أحنا بنميل لمشاهدة الفيلم كعمل كوميدي خفيف المطلوب منه اضحاك المشاهدين خاصة الفئات الأصغر سنا.
السيناريو والحوار والأخراج
سيناريو الفيلم واضح ومفهوم، والحوار كان عليه العبء الأكبر فيما يتعلق بالجرعة الكوميدية في الفيلم، وكون مؤلف الفيلم هو مخرجه وهو بطله في نفس الوقت وضع على عاتقه مسئولية كبيرة وللأسف ماقدرش (ألان شبات) انه يقوم بالمسئولية الملقاه عليه بشكل جيد فخرج الفيلم قوي على مستوى التمثيل لكن ضعيف اخراجيا خصوصا مع محاولة توظيف بعض الخدع السينمائية اللي كان مستواها مش جيد.
الديكورات والموسيقى والأزياء
ديكورات الفيلم كانت متوسطة، وكذلك مستوى الموسيقى التصويرية والأزياء واللي حسينا أنها كلها كانت محتاجه ميزانية أعلى وأفضل من حيث الأنتاج. لكن زي ما قولنا لو وضعنا الفيلم في خانة الفيلم المسلي في فترات الأعياد، في الحالة دي ممكن يكون مستوى الفيلم جيد ومناسب.
الخلاصة
فيلم Christmas & Co. عائلي فكاهي بننصح بمشاهدته مع كل أفراد العيله خاصة مع موجة البرد اللي بنتعرض لها
علشان تبقى عارف:
الفيلم له اسم ثاني هو Christmas & Co.
