Sherlock Gnomes: شرلوك هولمز بشكل مختلف تماما!

من المميز في بعض أفلام الأنيميشن أنها تصلح للمشاهدة من الكبار والصغار على حد سواء، وده من الأمور اللي لاحظناها في فيلم Sherlock Gnomes واهتمامه بجمهوره من الكبار اللي قد يكون اكثر من اهتمامه بجمهورة من الأطفال

القصة

Sherlock Gnomes بيحكي عن المحقق الشهير شرلوك هولمز واللي بيتم استدعائه للتحقيق في قضية سرقة شهيرة وغامضة، الأمر اللي بيحول الفيلم من مجرد فيلم أنيميشن تقليدي لفيلم بحث وتحري واستجواب.

فريق العمل

الفيلم من تأليف وإخراج جون ستيفنسون ومن بطولة الأداء الصوتي لـ جوني ديب و إيميلي بلانت و جيمس ماكافوي و ماجي سميث

الأداء الصوتي

الأداء الصوتي لكبار النجوم أبطال الفيلم كان مميز وقوي، وبيعجبنا في هوليود اقبال كبار النجوم على بطولة أفلام الانيميشن والتمثيل فيها بصوتهم، والحقيقة أن نفس الوضع تقريبا عندنا في مصر بمشاركة نجوم كبار في أفلام الأنيميشن زي يحي الفخراني ومحمد هنيدي.

السيناريو والحوار والأخراج

سيناريو الفيلم سريع وجميل ومبهج، كمان الحوار في الفيلم كان جيد جدا وبيكشف كتير من دوافع الشخصيات وبيوضح كتير من الأمور الغايبة عن المشاهد في أحداث الفيلم نفسها.

الرسومات والتحريك والموسيقى

الرسومات الخاصة بالفيلم تمتاز بالوضوح والبهجة في الألوان والتنوع فيها، وحسينا طوال مشاهدتنا أننا أمام كرنفال من الألوان متطور ومتغير طوال الوقت، وده كان من الأمور المميزة اللي لاحظناها في أحداث الفيلم، كمان أسلوب تحريك الشخصيات على الشاشة كانت مميزة وحيوية وفيها كتير من الحركة اللي تلفت انتباه العين وفي نفس الوقت لا تشتتها أو تتعبها.

الخلاصة

Sherlock Gnomes فيلم أنيميشن جيد بيحترم مشاهديه من الكبار والصغار على حد سواء

علشان تبقى عارف:

تقييم الفيلم على موقع IMDB 4.7 من 10