Slumber: الرعب من الجاثوم

الجاثوم هو عرض حقيقي بييجي لناس كتير في حياتها، وهي شعورهم أن حد جالس فوقهم اثناء حلمهم بالكابوس، وعدم قدرتهم على التنفس. الأسطورة في قصة الجاثوم بتختلط بالحقيقة، وبين الوهم والخيال بيلعب فيلم Slumber اللي هانتعرف أكتر على أحداثه

القصة

Slumber بيحكي عن طبيبة متخصصة في حالات اضطراب النوم، بتحاول تحمي أحد العائلات من شيطان بيتغذى على ضحاياه من خلال نومهم وأحلامهم الكابوسية. لكن هل هاتقدر توصل لهدفها أم أن الجاثوم هايغلبها؟!

فريق العمل

الفيلم من تأليف وإخراج  جوناثان هوبكينز أما البطولة فمن نصيب  ماجي كيو و ويل كيمب و سيلفستر ماكوي و لوكاس بوند

الأداء التمثيلي

الأداء التمثيلي لأبطال الفيلم كان قوي، وقدر يضعنا نفسيا في خضم أحداث الفيلم، والأداء التمثيلي يعتبر واحد من أهم الأدوات اللي المفروض تكون موجودة في أي فيلم ناجح، لكن هل التمثيل وحده هو السبب في نجاح أي فيلم؟

السيناريو والحوار والأخراج

في الواقع لا.. ولازم تتضافر العديد من الجهود التانيه زي السيناريو والحوار، والحقيقة أن سيناريو الفيلم كان ممل خاصة في النصف الأول من الأحداث وفشل في اثارة اهتمامنا، ماعدا بعض المشاهد المرعبة واللي كانت في رعبها معتمدة على أسلوب المفاجأة واللي يعتبر من أقدم أساليب تقديم الرعب في الأفلام.

الديكورات والموسيقى والأزياء

ديكورات الفيلم والموسيقى التصويرية الخاصة به كانت قوية، لكن بشكل عام الفيلم كان محتاج صرف أكبر وميزانية أكبر علشان يكون أكتر اقناعا للمشاهدين، الأمر اللي أثر على قوة الفيلم وعلى نتيجته النهائية في ارعاب المشاهدين

الخلاصة

لو كنتم من المهووسين بأفلام الرعب وخاصة الأفلام الكابوسية، في الحالة دي هايعجبكم فيلم Slumber

علشان تبقى عارف:

تقييم الفيلم على موقع IMDB 4.7 من 10