Spider-Man: Far from Home : بداية جديدة للأبطال الخارقين
أفلام السوبر هيروز بتتشابه طوال الوقت. عندنا دايما بطل عنده قدرات خارقة، وشرير عاوز يدمر أو يسيطر على العالم، ورسالة بيحاول الفيلم يوصلها. هو ده اللي بيشتغل عليه فيلم Spider-Man: Far from Home بشكل واضح وصريح. لكن هل ده صح؟!
في البداية لازم نعرف أن فيلم Spider-Man: Far from Home بيحكي عن بيتر باركر اللي بيقرر يحصل على إجازة بعد نهاية مهمته الأخيرة. وفي نفس الوقت يستغل الوقت ده علشان يعيش حياته الرومانسية بشكل صحيح.
لكن ازاي يقدر سبايدر مان ياخد اجازه؟ الاجازة لازم تتقطع علشان فيه تهديد كبير بيهدد العالم كله. هل هايقدر سبايدر مان يواجه التهديد ده؟
سيناريو الفيلم كان ممتع لكن قابل للتوقع. يعني مافيش تقلبات مفاجئة أو مفاجأت. كل الأحداث نقدر نتوقعها بمجرد حدوثها. لكن اللي حسن الأمور شوية الأداء التمثيلي الجيد من توم هولاند و زندايا وباقي ابطال الفيلم
من الحاجات الأساسية اللي ميزت الفيلم مستوى المؤثرات الخاصة الاحترافي. ومن الواضح أن الفيلم تم تحديد ميزانية ضخمة جدا لأنتاجه والميزانية واضحة في المستوى الأخراجي والانتاجي للفيلم.
لو هانقيم الفيلم كفيلم ابطال خارقين وخلاص لازم نقول أن الفيلم مش عاجبنا علشان قدرتنا على توقع كل الاحداث من البداية للنهاية وشعورنا ببعض الملل. لكن لو اعتبرنا أن الفيلم بيمهد لسلسلة أحداث وأفلام جديدة ويعتبر تمهيد للأفلام القادمة في الحالة دي يستحق الفيلم ياخد فرصة تانيه
