Star Wars: The Last Jedi: جزء جديد لمحبي حرب النجوم
محبي سلسلة أفلام Star Wars حصلوا مؤخرا على سلسلة كبيرة من المفاجأت والأخبار الجيدة، بداية من إعادة احياء السلسلة من جديد وتقديم فيلم جديد في السلسة، واليوم بيتم دعم السلسلة الجديدة بجزء جديد لاستغلال حب ومتابعة محبي السلسلة مع جزء جديد.
القصة
الفيلم بيحكي عن أبطال الجزء الأول من حرب النجوم بعد أحيائها، وازاي بيدخلوا في مغامرة جديدة ضد قوى الظلام اللي بتهدد الكون، والطريق الطويل المطلوب منهم قطعه – بكل ما فيه من مغامرات – علشان يكتشفوا حقائق جديدة عليهم وعلى المشاهدين كمان في نفس الوقت.
فريق العمل
الفيلم من إخراج ريان جونسون وهو أيضا اللي كتب السيناريو اعتمادا على الشخصيات اللي قدمها جورج لوكاس، أما البطولة فكانت من نصيب مارك هاميل و كاري فيشر و ديزي ريدلي و جون بويجا و آدم درايفر و أوسكار إيزاك
الأداء التمثيلي
من الجميل في الأداء التمثيلي لأبطال الفيلم أنهم مش بيقتبسوا من الأداء التمثيلي لأبطال الأجزاء السابقة، وبيقدموا الأداء الخاص بهم بشكل واثق وقوي في نفس الوقت، وده من الأمور المميزة اللي لاحظناها فيما يتعلق بالأداء التمثيلي.
السيناريو والحوار والأخراج
سيناريو الفيلم بيتميز بالوضوح والقدرة على توصيل الأحداث والتفاصيل للمشاهد بشكل واضح وجميل في نفس الوقت، لكن بنعيب على السيناريو بعض (الترهل) في الجزء الأول من الأحداث لكن بيتم التركيز على جانب الأكشن في النصف الثاني من الأحداث بشكل أكبر. والحقيقة أن أخراج الفيلم قدر يقدم كتير من الأدوات خاصة في حركة الكاميرا والخدع السينمائية وغيرها من تكتيكات الأخراج اللي تم استغلالها بشكل جيد ومميز
الديكورات والموسيقى والأزياء
ديكورات الفيلم كانت في منتهى القوة، كمان الموسيقى التصويرية القديمة واللي تم مزجها بتكنيكات جديدة في الموسيقى وده كان من أفضل الأمور اللي لاحظناها في الفيلم.
الخلاصة
فيلم Star Wars: The Last Jedi يعتبر جزء جديد ومهم في سلسلة أفلام قدرت تستقطب محبي السلسلة القديمة وتكتسب محبين جدد في نفس الوقت.
علشان تبقى عارف:
كان خواكين فينيكس مرشحًا لأداء الشخصية الشريرة في هذا الجزء، ثم ذهب الدور إلى بينيسيو ديل تورو.
