Tad Jones: The Hero Returns: أنيميشن أسباني يستحق المشاهدة

أفلام الأنيميشن القادرة على أبهارنا، مش بس على صعيد القصة لكن كمان على صعيد الرسومات ودقتها وألوانها المبهجة، النوعية دي من الأفلام أصبحت قليلة ونادرة، علشان كده بنفرح لما بنتفرج على فيلم زي Tad Jones: The Hero Returns. تعالوا نتعرف أكتر على أحداثه.

القصة

Tad Jones: The Hero Returns بيحكي عن المستكشف تاد جونز، واللي بيجد نفسه في سلسلة من المغامرات الصعبة علشان ينقذ حبيبته من مليونير بيبحث عن قلادة نادرة. المغامرات دي بينتج عنها كمان سلسلة كبيرة من المواقف الكوميدية الضاحكة.

فريق العمل

الفيلم من تأليف جوردي جاسول و نيل لانداو ومن أخراج ديفيد ألونسو و إنريكي جاتو ومن بطولة الأداء الصوتي لـ أوسكار باربيران و ميشيل جينر و أدريانا أوجارتِه و  لويس بوسادا

الأداء الصوتي

على الرغم من عدم معرفتنا الكبيرة بالأبطال اللي بتقوم بالأداء الصوتي، لكن تركيبة صوتهم تم استغلالها بأفضل ما يكون علشان يتم تركيبها على الشخصيات الأساسية في الأحداث، وحسينا مع استمرار الأحداث أن الأصوات فعلا هي أصوات الشخصيات الكرتونية اللي بتتحرك أمامنا، وده إن دل يدل على النجاح في توظيف أصوات الممثلين في الفيلم.

السيناريو والحوار والأخراج

سيناريو الفيلم كان سهل الفهم وسريع الأيقاع، والحوار تحمل الجانب الكوميدي من الأحداث وقدر يبرزها بشكل جيد ومناسب، أما الأخراج فا قدر يستوعب كل ده ويوظف كل الأدوات علشان يقدم لنا في النهاية فيلم مبهج وجميل.

التحريك والموسيقى والألوان

لو سألتونا عن أفضل عنصر من عناصر الفيلم هانجاوب بدون تفكير: الرسومات ودقتها وسلاسة تحريكها على الشاشة والألوان المبهجة والعصرية اللي كان بيتم اختيارها بعناية وتناسق في كل مشهد من مشاهد الفيلم. أما الموسيقى التصويرية فكانت محتاجه تكون أقوى وأكثر تركيزا علشان تناسب مستوى الفيلم الجيد.

الخلاصة

Tad Jones: The Hero Returns فيلم أنيميشن جيد بننصح بمشاهدته خاصة للأطفال

علشان تبقى عارف:

الفيلم من انتاج أسباني.