Teen Titans Go! To the Movies: كوميديا للكبار والصغار في فيلم أنيميشن

من وقت للتاني بنحب نفصل دماغنا بفيلم يخلينا ننسى الدنيا واللي فيها ونستمتع بحوالي ساعتين من الكوميديا، ولو معانا أطفال بتكون المتعة مضاعفة خاصة لو كنا بنتفرج على فيلم أنيميشن.

فيلم Teen Titans Go! To the Movies بيحكي عن مجموعة من الأصدقاء المهووسين بقصص الأبطال الخارقة للعادة، الأمر اللي بيجعلهم يدخلوا في سلسلة طويلة من المواقف اللي بتختلط فيها الكوميديا بالمغامرة.

تأليف أرون هورفاث لقصة الفيلم تضافر مع اخراج بيتر ميكايل علشان يقدموا لنا في النهاية توليفة جيدة من الكوميديا مع المغامرات، لكن من ناحية تانيه لازم المشاهد يكون عنده معلومات قوية عن عالم الابطال الخارقة للطبيعة علشان يفهم العالم والأحداث اللي بيدور فيها الفيلم.

المواقف الكوميدية وإخراجها الفني مكانش هايكون لهم طعم منغير الأداء الصوتي المتميز من كل ابطال الفيلم تقريبا، وعلى رأسهم          كريستين بيل في دور جيد ويلسون و خاري بايتون صاحب صوت شخصية سايبورج، وحتى نيكولاس كيدج اللي قدم صوت شخصية سوبرمان. ومن الأمور الكويسة جدا حرص الفنانين الكبار على المشاركة الصوتية في أفلام الأنيميشن.

طريقة تحريك الشخصيات على الشاشة وتقنيات العرض كانت جيدة وساعدت بشكل كبير على دخولنا في عالم الأحداث بسهولة، لكن من ناحية تانيه لا يعيب الفيلم إلا أن المشاهد لازم يكون من محبي عالم الشخصيات الخارقة علشان يزيد استمتاعه بالفيلم.

Teen Titans Go! To the Movies فيلم أنيميشن جيد نقدر نفصل دماغنا أمامه – أحنا وباقي أفراد الأسرة- وبنرشحه للمشاهدة في الويك اند بعيد عن زحمة المدرسة والدروس.

علشان تبقى عارف: تقييم الفيلم على موقع IMDB هو ٦.٨ من ١٠