The Current War : علشان تنور العالم. لازم تتغلب على الظلام جواك!
سواء كنت بتقرأ الموضوع ده من الموبايل أو الكمبيوتر أو أي جهاز ذكي تاني. بالتأكيد أستعملت الكهرباء علشان تشحنه أو تشغله. قصة وصول الكهرباء لنا بشكلها الحالي كانت قصة من الصراع بين العلماء والمكتشفين. هو ده بالظبط اللي بيقدمه لنا فيلم The Current War
The Current War بيحكي عن الصراع الطويل بين توماس اديسون (قام بالدور بنديكت كومبرباتش) و جورج ويستنجهاوس (قام بالدور مايكل شانون) على أكتشاف كيف تعمل الكهرباء. مع أستعراض شخصية مهمة في عالم الكهرباء هي شخصية العالم نيكولا تسلا (قام بالدور نيكوﻻس هولت)
على الرغم من سرعة سيناريو الفيلم وعدم شعورنا بالزهق من الأحداث لكن تعرضه للقصة كان سريع أزيد من اللازم. لدرجة أننا حسينا أن بعض الأحداث تم تناولها بسرعة على الرغم من أنها كانت مؤثرة في الصراع الحقيقي اللي دار بين الأبطال في الواقع.
الأداء التمثيلي لكل أبطال الفيلم تقريبا كان قوي ومميز. لكن حسينا أن البطولة النسائية في الفيلم مش واخده حقها بشكل كبير. يمكن بسبب تركيز السيناريو على الشخصيات الأساسية في الفيلم وعدم قدرته على وضع مساحة كبيرة لدور الشخصيات النسائية في الأحداث.
من أهم عوامل القوة في الفيلم أختيار الديكورات والإضاءة وزوايا التصوير اللي جعلت كل مشهد من المشاهد تحفة مميزة. وكان واضح أن المجهود المبذول في العناصر دي مجهود رائع على الرغم إنه في النهاية ماقدمش المشاهد فيها أستعلاء على المشاهد ودي تحسب لصناع الفيلم.
The Current War فيلم يستحق المشاهدة للناس المهتمة بقصص الصراع من أجل جعل العالم مكان مُنير… بس المرة دي حرفياً!
