The Hatching: الخوف من التماسيح

مين قال أن أفلام الرعب لازم تكون عن أشباح وأرواح ومنازل مسكونة فقط؟ الرعب كمان ممكن يكون من الحيوانات المفترسة والتهديد اللي بتمثله على البشر. لكن مين قال أن كل أفلام الرعب لازم تبقى ناجحة بنفس الدرجة! تعالوا نتعرف أكتر على The Hatching

القصة

The Hatching بيحكي عن مجموعة من التماسيح بتهاجم أهل أحد القرى الهادئة، ومدى ارتباط الهجوم ده بخطأ أرتكبه بطل الفيلم في فترة مراهقته، وهل هايتم إيقاف الهجوم ده أم أن التماسيح هايكون لها الكلمة الأولى والأخيرة في الصراع؟!

فريق العمل

الفيلم من تأليف و اخراج مايكل أندرسون وشارك في التأليف نيك سكواير أما البطولة فكانت من نصيب توماس تورجوس و آندرو لي بوتس و لورا آيكمان و موز خان و ديبورا روزان

 الأداء التمثيلي

الأداء التمثيلي للأبطال كان ضعيف وغير قادر على أنه ينقل لنا حالة الفزع والخوف من هجوم التماسيح، لكن مانقدرش نقول أن العيب كان في أداء الممثلين فقط بدون ما نغفل عدم قدرة الأخراج على توظيف الأداء التمثيلي بشكل جيد في الأحداث.

السيناريو والحوار والأخراج

سيناريو الفيلم سهل الفهم لكنه على صعيد تاني ضعيف وكان محتاج يكون أقوى، وبشكل عام اخراج الفيلم كان المفروض يكون أقوى ويتم الاهتمام بالفيلم انتاجيا أكتر من كده علشان يخرج الفيلم بشكل أفضل خاصة على مستوى المؤثرات الخاصة والخدع السينمائية.

الديكورات والموسيقى والأزياء

ديكورات الفيلم والموسيقى التصويرية كانت هي كمان ركيكة وكان لازم تكون أفضل، وبشكل عام حسينا أن الفيلم تم الاستسهال في تنفيذه الى اقصى حد  على الرغم من محاولة الممثلين تقديم أداء تمثيلي قوي لكن التمثيل لوحده مش كفايه لتقديم فيلم قوي.

الخلاصة

فيلم The Hatching كان ممكن يكون أفضل لو كان تم الأهتمام به أكتر من كده خاصة على مستوى الأنتاج والخدع السينمائية

علشان تبقى عارف:

تقييم الفيلم على موقع IMDB 4 من 10