The Hurricane Heist: سرقة ضخمة.. واعصار أضخم!

حالة كبيرة من الترقب انتابتنا اثناء مشاهدة The Hurricane Heist  بسبب حبنا الشديد لأفلام السرقات والتخطيط لها، لكن هل الترقب اللي كان عندنا وجد فعلا ما يروي عطشه؟ تعالوا نتعرف أكتر على الفيلم علشان نعرف الأجابة على السؤال ده.

القصة

The Hurricane Heist بيحكي عن التخطيط لعملية سرقة ضخمة، لكن المرة دي السرقة مش بيقف ضدها الشرطة الأمريكية فقط، لكن كمان إعصار من الفئة الخامسة بيحول العملية لحالة من التخبط ومحاولة النجاة بأي شكل.

فريق العمل

الفيلم من أخراج روب كوهين ومن تأليف جيف ديكسون أما البطولة فمن نصيب  توبي كيبيل و ماجي جراس و ريان كوناتن و رالف إنيسون

الأداء التمثيلي

الأداء التمثيلي لأبطال الفيلم كان قوي، وكان من الواضح رغبة كل ممثل من أبطال الفيلم في الظهور بشكل واضح ومنافسة زملاءه في العمل. والمنافسة في الحالة دي بتكون شريفة لانها بتنهي في النهاية بظهور فيلم قوي للنور من وجهة نظرنا

السيناريو والحوار والأخراج

قصة الفيلم مكررة ولا جديد فيها، لكن تنفيذ السيناريو لها كان قوي ومحكم، والأخراج كمان لعب دور مهم علشان يدير كافة عوامل الفيلم ويخلق من خلالها حالة من التجديد، وده اللي عجبنا في الفيلم بشكل عام.

الديكورات والموسيقى والأزياء

ديكورات الفيلم والموسيقى التصويرية لعبت دور مهم علشان نشعر بتفاصيل الأحداث بالضبط ودي كمان كانت من أهم عوامل نجاح الفيلم من وجهة نظرنا، لكن في النهاية نعتقد أن الفيلم كان يحتاج ميزانية أكبر علشان يظهر بشكل أفضل في صورته النهائية.

الخلاصة

The Hurricane Heist فيلم جيد بقصة مكررة لكن تنفيذ جديد، وكان ممكن ينجح بشكل أكبر لو توافرت له الجهود الأنتاجية المناسبة.

علشان تبقى عارف:

تقييم الفيلم على موقع IMDB 4.9 من 10