The Intruder : الناس الودودة مش دايما كويسه!
مع مشاهدتنا المستمرة لأفلام الرعب والتشويق، وقرائتنا روايات في نفس المجال. أصبح عندنا قاعدة لا يمكن تغييرها: لازم نخاف من الأشخاص الودودة زيادة عن اللازم. لأن ودهم مش بيدوم كتير ودايما بيتقلب لمشاكل كبيرة.. ومخيفة.
فيلم The Intruder بيحكي عن زوجين بيشتروا منزل جديد من صاحبه القديم. ومع الوقت بيكتشفوا أن الود الزائد اللي بيعاملهم بيه المالك القديم مش من فراغ. وأن الهدف وراه أكيد مش هدف برئ زي ما كانوا متصورين في بداية الفيلم
الأداء التمثيلي لأبطال الفيلم دينيس كويد و ميجان جود و مايكل إيالي كان جيد جدا. وكان واضح أن مخرج الفيلم ديون تايلور كان عارف ازاي يحرك أبطال فيلمه في التوقيت والمكان الصحيح بما يتناسب مع احداث الفيلم.
لكن من ناحية تانيه حسينا أن الفيلم مكرر وقصته مش أصلية أبدا. بل أننا شوفنا نفس الفكرة في أفلام وأعمال درامية تانيه كتير. حتى أن بعض المشاهد كانت شبه مقتبسة من أفلام تانية زي فيلم The Shining (1980) اللي بيعتبر من أيقونات أفلام الرعب.
ملاحظة أخيرة: لو ناويين تتفرجوا على الفيلم ننصحكم بعدم مشاهدة الإعلان (التريلر) الخاص بالفيلم لأنه تقريبا بيكشف كل تفاصيل الفيلم ومش بيحتفظ بأي مفاجأت للمشاهدة.