The Knight of Shadows Between Yin and Yang : فيلم مش لكل الناس!
على الرغم من أن أي صانع أفلام بيكون عاوز أكبر قدر ممكن من المشاهدين يتفرجوا على أفلامه. لكن فيلم The Knight of Shadows Between Yin and Yang بالتأكيد مش لكل المشاهدين. لانه عاوز مشاهدين عندهم خيال واسع جدا وقدرة على (تكبير دماغهم) في معظم أحداث الفيلم.
The Knight of Shadows Between Yin and Yang بيحكي عن صائد للشياطين بيستعين بخبراته ومجموعة من الشياطين الطيبة علشان يقدر يقضي على أي شيطان بيدخل لعالم البشر. وبيختلط في مغامراته الأكشن بالكوميديا مع شوية تراجيديا.
زي ما قولنا في البداية الفيلم محتاج كتير من تكبير الدماغ علشان المؤثرات الخاصة في الفيلم لم يتم توظيفها بشكل كويس. وكان واضح أن مستواها اقل بكتير من توقعات المشاهدين. بالتالي لازم لا نتوقع نفس مستوى المؤثرات الخاصة لأفلام زي Avatar مثلا وغيرها من الأفلام الهوليودية.
على الرغم من تقدمه في السن الا ان الأداء التمثيلي والحركة لجاكي شان ممتاز جدا. وقدر يقدم كتير من المشاهد الممتعة لنا كمشاهدين. لكن بشكل عام بنعيب على الفيلم نقص الميزانية اللي خلى كتير من المشاهد صعبة التصديق نتيجة عدم كفاءة المؤثرات والخدع السينمائية في فيلم – المفروض – انه مبني على استخدام الخدع بشكل جذاب.
The Knight of Shadows Between Yin and Yang فيلم مسلي وممتع لمحبي الأفلام الصينية اللي كلها تقريبا مبالغات غير محدودة.
