The Little Vampire: مصاصين الدماء والبشر أصدقاء في الأفلام
بيعجبنا في أفلام الأنيميشن أنها مش بس بتركز على تقديم قصة جيدة، لكن كمان بتقدم مع القصة المثيرة عبرة أو رسالة أو هدف معين من وراء الفيلم، وده اللي بيخلي كتير من أفلم الأنيميشن مناسبة للكبار والصغار على حد سواء.
تعالوا نتعرف أكتر عن قرب على فيلم The Little Vampire وأيه بالظبط اللي بيقدمه لنا
القصة
فيلم The Little Vampire بيحكي عن علاقة صداقة بتقوم بين شاب من بني البشر، وشاب في نفس سنه تقريبا من مصاصي الدماء، لكن الغريب أن مصاص الدماء في الفيلم بيظهر بشكل غير مرعب، بل على العكس بنشوفه بيحاول يهرب من صياد مصاص الدماء المشهور بعدم رحمته ودمويته الشديدة. وبنشوف مع أحداث الفيلم إجابة على سؤال: ايه هايكون مصير الصداقة دي؟
فريق العمل
الفيلم من تأليف لاري ويلسون و ريتشارد كلوز و إخراج ريتشارد كلوز وبطولة الأداء الصوتي لـ مايكل سوريتش و أمير رحيم و بوب داوسون و جو ديور و توان نجاين
الأداء الصوتي
الأداء الصوتي والتمثيلي في الفيلم كان جيد جدا، وكأننا شايفين كل واحد من أبطال الفيلم بشكله الحقيقي من خلال صوته، والحقيقة أن أخراج الفيلم نجح في توظيف الأداء الصوتي الجيد لخدمة سيناريو الفيلم وشعورنا بكل التفاصيل والأحداث الخاصة بالفيلم.
السيناريو والحوار والأخراج
سيناريو الفيلم اعتمد على المفارقة في الصداقة بين الإنسان ومصاص الدماء، وقدر يستغل القاعدة دي علشان ينطلق منها ويعرفنا على رسالة الفيلم القائمة على حب وتقبل الأخر على الرغم من الأختلافات بين الناس.
الرسومات والتحريك والموسيقى
رسومات الفيلم كانت جيدة، وأعتمد التلوين في الفيلم على اللون الأزرق والألوان الهادية بشكل عام، وده كان بسبب موضوع الفيلم اللي بيناقش عالم مصاصي الدماء واللي بيزدهر أكتر في وقت الليل. لكن في رأينا أن الفيلم كان محتاج يتم الأستعانة فيه بألوان أكثر حيوية وحركه.
موسيقى الفيلم وتحريك الشخصيات على الشاشة كانوا في منتهى الجمال وكانت من الأمور اللي تحسب لصناع الفيلم بصراحه.
الخلاصة
The Little Vampire فيلم مناسب للكبار والصغار على حد سواء وبيحمل مجموعة من الأحداث الجميلة والرسائل المهمة في نفس الوقت.
علشان تبقى عارف:
يقوم كلُ من (جيم كارتر، وأليس كروج) بتأدية ذات أدوارهما لشخصيتي (روكري، وفريدة) التي أدياها من قبل في نسخة الفيلم من إنتاج عام 2000.
