The Midnight Man: فيلم رعب نمطي وتقليدي

على الرغم من أن كتير من أفلام الرعب بتكون قصتها نمطية لاعتماد الكثير من الأفلام على نفس الحبكة والتيمة، لكن للأسف The Midnight Man كان من أكتر الأفلام اللي شوفناها نمطية واللي كررت كتير من أنماط أفلام الرعب التانية. تعالوا نتعرف أكتر على الفيلم

القصة

The Midnight Man بيحكي عن بنت بتكتشف مع مجموعة من أصدقائها لعبة ممسوسة بكيان شيطاني اسمه (رجل منتصف الليل)، واللي بيحول تجربتهم لاستكشاف اللعبة لمعركة كفاح من أجل البقاء على قيد الحياة

فريق العمل

الفيلم من تأليف وإخراج  ترافز زاروني ومن بطولة  لوجان كريران و روبرت إنجلند و جرايسون جابريال و إميلي هاين

الأداء التمثيلي

الأداء التمثيلي لكل أبطال الفيلم كان تقليدي ومحفوظ، وكل الممثلين تقريبا كانوا مش بيعملوا أي شيء غير رسم حالة من الهلع والفزع على وجوههم طوال الوقت. بالتالي بعض المشاهدين شعروا ببعض الملل ماعدا المشاهدين عشاق أفلام الرعب واللي هايجدوا في الفيلم بعض مشاهد الهلع اللي هاتخليهم يشعروا بالرعب.

السيناريو والحوار والأخراج

قصة الفيلم كان ممكن تكون جيدة، لو لم تصطدم بحالة من الاستسهال في تنفيذ السيناريو وفي اخراج الفيلم وتصميم المشاهد، الأمر اللي جعل الفيلم في النهاية نسخة مكررة ورديئة من عدد كبير من أفلام الرعب التانية

الديكورات والموسيقى والأزياء

ديكورات الفيلم كانت جيدة والموسيقى التصويرية والمؤثرات الخاصة هي كمان حاولت تلعب دورها علشان تنقذ الفيلم من فخ التكرار، لكن مش بالمؤثرات الخاصة والديكورات فقط تنجح الأفلام.

الخلاصة

The Midnight Man فيلم رعب نمطي وتقليدي لكن هايعجب المهووسين بأفلام الرعب بشكل عام

علشان تبقى عارف:

تقييم الفيلم على موقع IMDB 4.8 من 10