The Poison Rose : الأفلام مش بتنجح بالنجوم فقط!

لما تسمع عن فيلم من بطولة جون ترافولتا و مورجان فريمان بتتخيل انك هاتشوف فيلم مافيش زيه.. لكن للأسف The Poison Rose خيب معظم توقعاتنا.

The Poison Rose بيحكي عن كارسون فيلبس نجم الكرة السابق واللي بيقوم بدوره جون ترافولتا، واللي بيبدأ بحثه الخاص عن مجموعة من الجرائم، واللي بيكتشف في النهاية أنها مترابطة وبيجمعها رابط واحد.

من الصعب أننا نحكي قصة The Poison Rose بدون حرق الأحداث لأن الأحداث متداخلة مع بعضها بشكل كبير. لكن رغم التداخل ده بنحس أن بعض خيوط السيناريو كان ممكن يتم الاستغناء عنها بالكامل بدون أي تأثير على خط سير الأحداث وده من عيوب الفيلم.

الدويتو التمثيلي بين مورجان فريمان وجون ترافولتا كان جيد. ويمكن دي الحسنة الوحيدة للفيلم. لكن التمثيل الجيد والأسماء الكبيرة لوحدها مش هاتقدر تعمل فيلم جيد. خاصة مع ضعف القصة اللي كتبها وأخرجها فرانسيسكو سينكمانت

ولأن الفيلم عاوز يحط اكبر قدر من القصص والأحداث في السيناريو. الزمن الخاص بالأحداث على الشاشة كان قليل. وده كله اثر على تجربتنا مع الفيلم بالسلب بشكل كبير.

The Poison Rose محاولة للجمع بين نجمين هوليوديين كبار. لكن هي دي الحاجة الإيجابية الوحيدة في الفيلم.