The Recall: خيال علمي ورعب في فيلم خفيف

بعض الأفلام لازم نشاهدها في الإطار اللي بتحكي عنه. فيلم The Recall يعتبر من الأفلام منخفضة الميزانية اللي بتحاول تقدم جرعة من الرعب والخيال العلمي والغموض وفي نفس الوقت بدون أي عمق على مستوى الأخراج أو السيناريو. تعالوا نتعرف أكتر على The Recall

القصة

The Recall بيحكي عن مجموعة من الأصدقاء بتقرر تقضي أيام من المتعة والمرح مع بعضهم في إجازة في مكان شبه مهجور مافيش فيه سكان كتير. لكنهم مش بيبقوا عارفين أن الأرض بتتعرض في نفس الوقت لاجتياح من الكائنات الفضائية، واللي بتحمل للأصدقاء سلسلة من المواقف المرعبة والألغاز المحيرة.

فريق العمل

الفيلم من إخراج مورو بوريللي وتأليف سام أكتون كينج و ريجي كيوهارا أما البطولة فكانت من نصيب إليشا كريس و فيسيلوش شانون و جيداياه جوداكر و رج مايتي و نيكو بيباج و ويسلي سنايبس.

الأداء التمثيلي

للأسف الأداء التمثيلي لأبطال الفيلم كان ضعيف وغير جيد، خاصة أن معظم الأسماء اللي شاركت في الفيلم من الأسماء الصغيرة اللي لسه بتخوض تجاربها التمثيلية للمرات الأولى، لكن بنعتقد أنه بمرور الوقت وزيادة الفرص الأسماء دي هاتشهد قدرات تمثيلية افضل وفرص أقوى.

السيناريو والحوار والأخراج

سيناريو الفيلم كان واضح وبدون  أي تعقيدات، لكن في نفس الوقت كان ضعيف ومحتاج تحسينات كتير، وللأسف كان المفروض الأخراج والحوار وباقي عناصر الفيلم تساعده، لكن ده لم يحدث للأسف وأثر على الأداء العام للفيلم وشعورنا بضعفه.

الديكورات والموسيقى والأزياء

ديكورات الفيلم والموسيقى التصويرية الخاصة به كانت أضعف حلقاته، ولما تبقى الديكورات ضعيفة بتأثر على شعورنا بتمثيل الأبطال وقدرتهم على توصيل مشاعرهم لنا، بالأضافة لضعف المشاهد وتحريك الكاميرا كل ده أثر على تقييمنا للفيلم وأعجابنا به.

الخلاصة

فيلم The Recall كان ممكن يكون فيلم أفضل لو كان تم الأهتمام بعناصر قوته من أول التمثيل وحتى الديكورات والموسيقى التصويرية.

علشان تبقى عارف:

تقييم الفيلم 4.3 من 10 على موقع IMDB