The Room : التمن الباهظ للجشع!

على الرغم من أن تنفيذ فيلم The Room على الشاشة لم يكن فيه أي حاجه جديدة أو مختلفة. لكن الفكرة اللي بيعرضها الفيلم والقصة اللي بيقدمها كانت جديدة ومختلفة ولم يتم تناولها بالشكل ده قبل كده. وكل دي حاجات تغفر للفيلم أي سقطات تانيه.

The Room بيحكي عن زوجين بينتقلوا لمنزل جديد حديثا، لكنهم بيكتشفوا فجأة غرفة سحرية في المنزل. بتحقق لهم كل أحلامهم وأمانيهم مهما كانت مستحيلة. ومن هنا بتبدأ حياتهم بالتغير ١٨٠ درجة.

الأداء التمثيلي لـ أولجا كوريلينكو و كيفن يانسن وباقي أبطال الفيلم كان رائع. لكن الأحلى من الأداء التمثيلي هي الرمزية اللي بيقدمها الفيلم للمنزل وللغرفة المسحورة. وده كان واضح من خلال فكرة أن أي حاجه بيتمناها الزوجين مايقدروش يخرجوا بيها بره البيت. في إشارة واضحة لفكرة أن الجشع بيحصر الأنسان في دايرة من الوحدة مايقدرش يخرج منها.

ونقدر نقول أن فيلم The Room مش فيلم رعب بالمعنى الحرفي للكلمة. لأننا مش بنشوف jump scares كتير. لكن بنشوف رعب بشكل مختلف بيخلينا نسأل نفسنا : هل لو وجدنا نفسنا في غرفة سحرية بتحقق كل أحلامنا. الحياة هاتكون أفضل ولا أسوأ؟!