The Secret Life of Pets 2 : استغلال ناجح للجزء الأول
مع النجاح اللي حققه فيلم The Secret Life of Pets من الواضح أن صناع الفيلم قرروا يستغلوا النجاح ويقدموا جزء تاني. وعرفوا يلعبوا من المنطقة (الأمنة) علشان يقدموا نفس الحاجات اللي عجبت المشاهدين في الجزء الأول مع قصة جديدة.
في الجزء الثاني من The Secret Life of Pets بنكمل قصة الكلب ماكس اللي بيعيش مرحلة جديدة في حياته مع زواج صاحبته وانجابها لطفل. ومن هنا بيدخل في مغامرة جديدة بنفس التيمة اللي شوفناها في الجزء الأول.
عجبنا الأداء الصوتي من كل ابطال الفيلم تقريبا خاصة كيفن هارت و وباتون اوزوالت. وعجبنا بشكل عام فكرة الاستعانة بنجوم كبار علشان يقدموا أداء صوتي في أفلام أنيميشن. ونفس الفكرة طبقها عندنا نجوم كبار زي يحي الفخراني ومحمد هنيدي وغيرهم وكانت ناجحة جدا.
من أجمل الحاجات اللي عجبتنا كمان في الفيلم التحريك الحيوي للشخصيات واختيار الألوان، واللي خلت كل مشهد من مشاهد الفيلم كوكتيل الوان مبهرة جميلة هاتسيب اثر كويس في نفسية الأطفال اللي بتتفرج على الفيلم.
The Secret Life of Pets 2 بيحمل رسالة مهمة للأباء وفي نفس الوقت بيقدم متعة جيدة للأطفال مع سلسلة مغامرات وكوميديا تستحق المشاهدة