The Spy Who Dumped Me: جاسوسية وكوميديا وأكشن في فيلم واحد

من أجمل الموضات في عالم الأفلام، نوعية الأفلام اللي بتجمع بين أكتر من فئة، زي أفلام الجاسوسية الكوميدية مثلا، أو أفلام الأكشن الكوميدي واللي شوفنا فيلم The spy who dumped me بينتمي للفئة دي من الأفلام. تعالوا نتعرف أكتر عليه.

الفيلم بيحكي عن صديقتين في سن الثلاثينات، بتكتشف واحدة منهم أن حبيبها السابق كان جاسوس، الأمر اللي بيدخلها في مؤامرة دولية بتقترن بيها الكوميديا بالجاسوسية بالأكشن.

على الرغم من التقدم النسبي في السن الا أن ميلا كونيس وكيت ما كينون بطلات الفيلم قدروا يقوموا بمجموعة من المشاهد الصعبة واللي فيها حركة جسمانية كبيرة. طبعا تمت الاستعانة بالدوبليرات لكن في نفس الوقت بعض المشاهد كانت بتتطلب مخاطرة ومجهود.

من الواضح أن ميلا كونيس عاوزه تثبت نفسها أكتر في المنطقة الكوميدية، شوفناها قبل كده في ادوار زي The Spy Who Dumped Me في 2017 و Bad Moms قبلها بسنة واحدة، وكلها أدوار بتأكد على تفوق ميلا في الكوميديا.

أما كيت ماكينون فا عارفينها أكتر في أدائها الصوتي في أفلام أنيميشن مشهورة زي  Ferdinand في 2017 و Finding Dory في 2016 وغيرها من الأعمال المهمة.

مخرجة الفيلم ومؤلفته سوزانا فوجل ما قدمتش أفلام سينمائية قوية قبل كده، لكن لها خبرة طويلة في اخراج المسلسلات، وبشكل عام قدرت تكون ثلاثي نسائي ناجح في الفيلم بينها وبين البطلات وكان واضح الاتجاه النسائي ده في الأحداث والإخراج. والفيلم بشكل عام قدم مستوى عالي ومميز من الكوميديا مع أكشن قوي في نفس الوقت لكن في النهاية لو هانصنف الفيلم هانصنفه في الاتجاه الكوميدي.

لو عاوزين تفضوا دماغكم من كل حاجه وتستمتعوا مع حوالي ساعتين من المغامرة والأكشن ننصحكم بمشاهدة The Spy Who Dumped Me

علشان تبقى عارف: ميلا كونيس بطلة الفيلم من مواليد 1983 من أصول يهودية أوكرانية وانتقلت الى لوس انجلوس علشان تبدأ من هناك مسيرتها الفنية المستمرة حتى اليوم