The Titan: هل من مصلحة البشر صناعة تكنولوجيا متطورة
على الرغم من أن أفلام الخيال العلمي اللي بتتكلم عن المخلوقات عالية الذكاء اللي البشر قادرين على صناعتها كتيرة ومختلفة، إلا أننا مع كل فيلم جديد بيلعب على نفس الحبكة بنجد نفسنا حابين نتابعة ونتعرف على الجديد اللي هايقدمه الفيلم. لكن السؤال اللي بنحاول نجاوبة من خلال موضوعنا. هل كان فيلم The Titan يستحق المتابعة فعلا؟
The Titan بيحكي عن طيار متميز جدا، هو ريك جانسين اللي لعب دوره سام ورثينجتون واللي بيتم اختياره علشان يشارك في تجربة صناعة انسان الي قادرعلى التكيف مع ظروف الحياة القاسية في كوكب زحل. لكن على الرغم من نجاح التجربة بيكون لها اثار قوية وصعبة على بطلنا وعلى اسرته وباقي ابطال الفيلم تايلور شيلينج اللي لعبت دور الدكتورة ابي يانسن و البروفيسور مارتن كولينجود واللي لعب دوره توم ويلكنسون.
المميز في الفيلم هو الأداء التمثيلي الجيد من كل الأبطال تقريبا، واللي قدروا يقدموا أداء متميز على الرغم من صعوبة تمثيل أفلام الخيال العلمي لأن معظم الأمور اللي بتظهر أمامنا على الشاشة بيتم اضافتها في مرحلة المؤثرات الخاصة والمونتاج يعني الممثل بيكون مطلوب منه يتخيل ويتفاعل مع الأحداث ويقدم لنا أداء تمثيلي متناسب مع خياله.
على الرغم من أنه فيلم خيال علمي ألا اننا كنا بنتوقع المزيد على مستوى المؤثرات البصرية والخدع السينمائية. وده مش معناه ان اللي شوفناه على الشاشة كان سىء، لكن كنا نتوقع المزيد من القوة والمزيد من الانفاق الأنتاجي على المؤثرات الخاصة والخدع السينمائية علشان يخرج الفيلم بصورة أقوى.
وفي نهاية كلامنا عن The Titan لازم نسأل نفسنا سؤال.. هل فعلا من مصلحة البشر انتاج تكنولوجيا فائقة الذكاء والقوة؟ أم أن فكرة تحول التقنيات دي لكائنات عدائية ضد البشر ممكن تكون الكابوس اللي قرب يتحقق؟
علشان تبقى عارف: تقييم الفيلم على موقع IMDB هو 4.9 من 1
