The Upside : المال يقدر يشتري السعادة؟!
من المعضلات الأساسية اللي بتناقشها كتير من الأفلام السينمائية والروايات وغيرها من الأعمال الأدبية. هي فكرة المال مقابل السعادة، أو هل يقدر المال يشتري الحب؟ وتعمل ايه الفلوس لو كان الإنسان مصاب بمرض صعب؟ هو ده اللي بيناقشه فيلم The Upside
كيفن هارت بيقوم بدور ديل سكوت. شاب بيحاول يخرج من أزمة في حياته من خلال العمل كمساعد لمليونير مصاب بالشلل (بيقوم بالدور براين كرانستون). الأمر اللي بينتج عنه سلسلة لا تنتهي من المواقف الكوميدية والتراجيدية على حد سواء.
مخرج الفيلم نيل بيرجر اعتمد بشكل أساسي في إخراج الفيلم على استغلال الشعبية الكبيرة لكيفن هارت. بالإضافة للقدرات التمثيلية المميزة لبراين كرانستون – براين هو بطل واحد من أشهر مسلسلات العالم وهو مسلسل Breaking Bad – بالإضافة لظهور نسائي مميز من نيكول كيدمان. واللي على الرغم من تقدمها في السن (حوالي 52 سنة) لسه محتفظة بجمالها وتألقها وظهورها المبهر.
حاجه تانيه مميزة في الفيلم هي قدرة السيناريو على الخلط بين الكوميديا والتراجيديا. بحيث لا يشعر المشاهد بالملل، ويفضل مشدود للمشاهدة طوال وقت الفيلم. وقدر أبطال الفيلم نفسهم يفهموا طبيعة كل مشهد ويقدموه لنا بشكل مميز.
The Upside فيلم قوي ومميز وخفيف في نفس الوقت. ننصح بمشاهدته في الويك اند.