The Vanishing : لغز المنارة الاسكتلندية المهجورة
من أهم العوامل اللي بيهتم صناع أفلام الرعب والغموض بيها، هي الجغرافيا أو المكان اللي بتدور فيه الأحداث. وفي حالة فيلم The Vanishing الجغرافيا كان لها نصيب الأسد من شعور المشاهدين بالإهتمام ومتابعة الأحداث.
The Vanishing بيحكي عن جزيرة على الحدود الأسكتلندية البريطانية. الجزيرة مهجورة وبيتم استخدامها في الصباح لأعمال الرعي فقط، أما في المساء بتكون شبه مهجورة تماما. ومع الوقت تم بناء فنار أو منارة لإرشاد السفن في البحر خاصة مع زيادة الحوادث في المنطقة. وكان بيقوم على العمل في المنارة 3 رجال اختفوا في ظروف غامضة.
هي دي القصة الحقيقية اللي أتبنى عليها الفيلم، واللي بيحاول يقدم وجهة نظر صناعه (كريستوفر نايهولم مخرجاً و جون بو مؤلفاً) لسبب وكيفية اختفاء القائمين على المنارة.
الأداء التمثيلي لـ بيتر مولان و كونور سويندلز و سورين مالنج كان متميز لكن طبعا لا يمكن ننسى الأداء المميز من جيرارد باتلر اللي يعتبر صاحب الأداء التمثيلي الأفضل في الفيلم.
بنعيب على سيناريو الفيلم أنه كان بطىء في كتير من أجزاء الفيلم. كمان لم يخصص وقت كافي علشان يسلط الضوء على الخلفيات الإنسانية والنفسية اللي بييجي منها الأبطال. يمكن الأمور دي هاتخلي المشاهدين يشعروا بالملل في بعض أجزاء الفيلم. لكن القصة والحبكة بحد ذاتها هاتقدر تخرجهم من حالة الملل.
على الرغم من أن الفيلم مقتبس عن قصة حقيقية لكن ده يخلينا لا نجزم أن أحداث الفيلم حقيقية بالكامل. لأن الفيلم زي ما قولنا بيقدم وجهه نظر صناعة في اللي حصل مع كتير من الخيال والإضافات لتشويق المشاهدين لمتابعة ومشاهدة الفيلم.
فيلم The Vanishing هايكون مناسب للمشاهدين
