Thor: Ragnarok: كوميديا وأكشن وأثارة من مارفل

على الرغم من معرفة متابعي سلاسل أفلام (مارفل) السينمائية أن الكوميديا مش بتكون ضمن الأهتمامات الأولى لصناع أفلام الأبطال الخارقة (السوبر هيروز)، إلا أن جرعة الكوميديا في Thor: Ragnarok كانت ملفته للنظر وتستحق التحية. تعالوا نعرف أكتر عن الفيلم.

القصة

الفيلم بيبدأ بهجوم قوي وعنيف من هيلا شريرة الفيلم، واللي بتقدر من خلاله أنها تنفي (ثور) خارج عالمه، لكنه بيقدر يتحد مع (هالك) علشان يكون فريق موازي يقدر يتصدي لـ(هيلا) وينقذ العالم من مصير مظلم جدا.

فريق العمل

الفيلم من تأليف  كريج كايل و  كريستوفر يوست ومن أخراج  تايكا وايتيتي ومن بطولة  كريس هيمسورث  توم هيدليستون  كيت بلانشيت  إدريس إلبا  جيف جولدبلوم.

الأداء التمثيلي

كيت بلانشيت وأدائها لشخصية هيلا الشريرة أكسبوا الدور بعدا أهم وأكبر من الأبعاد الاعتيادية لباقي شخصيات الشر في أفلام مارفل، كريس هيمسورث كمان قدم دور متميز في شخصية ثور، وكان واضح عليه المجهود اللي بذله علشان يكون مناسب لأداء الشخصية على الصعيد الجسماني.

السيناريو والحوار والأخراج

سيناريو الفيلم اعتمد على مشهد افتتاحي قوي ومبهر، ووقع عبء المشاهد الكوميدية بالمقام الأول على الحوار والقفشات الكلامية اللي فيه، لكن الأخراج قدر في النهاية يمزج بين السيناريو السريع ومشاهد القتال الطويلة وبين الجرعة الكوميدية اللي كانت بتتزايد تقريبا في كل مشهد عن اللي قبله.

الديكورات والموسيقى والأزياء

على الرغم من المعروف عن أفلام مارفل وأبهارها في عوامل الخدع السينمائية وتوظيف الموسيقى والديكورات لخدمة أفلامها، لكن كان عندنا شعور في Thor: Ragnarok أن السحر انقلب على الساحر، وأن المبالغة الشديدة في الخدع السينمائية جعلتنا حافظين ومتوقعين كل مشهد وديكوراته وخدعه، وماقدرش الفيلم يخرج عن توقعاتنا في الأمور دي، بالأضافة لانتماء الفيلم بصريا لسلسلة أفلام Guardians Of The Galaxy وبنعتقد أن ده كان مقصود من صناع الفيلم للتقريب بين السلسلتين.

الخلاصة

فيلم Thor: Ragnarok فيلم أكشن وأثارة وفانتازيا قوي، مع جرعة لا يستهان بها من الكوميديا، ومحبي أفلام مارفل أكيد هايلاقوا فيه إضافة جديدة ومختلفة.

علشان تبقى عارف:

تقييم الفيلم على موقع IMDB 8.2 من 10 وشارك  في التصويت حوالي 88 ألف مستخدم للموقع.