Three Billboards Outside Ebbing, Missouri: صراع مميز بين الحقيقة والقانون

الأفلام اللي بتدفع المشاهدين علشان يتخيلوا لو كانوا في نفس موقف البطل أو البطلة، وأزاي هايكون تصرفهم، في الغالب الأفلام دي بتحقق نجاح كبير علشان بتنجح في خلق حالة من التعاطف والمقارنة بينها وبين حال المشاهد، وده بالضبط اللي حصل مع Three Billboards Outside Ebbing, Missouri

القصة

Three Billboards Outside Ebbing, Missouri بيحكي عن امرأة بتعاني نفسيا بعد وفاة بنتها في جريمة قتل بشعة، ومع شعورها ببطء العدالة بتبدأ في تصميم بانرات أعلانية تتهم فيها رئيس الشرطة بالتقاعس عن الوصول للجاني، الأمر اللي بيفجر حالة من الصراع في المدينة الهاديه

فريق العمل

الفيلم من تأليف وإخراج مارتن ماكدونا ومن بطولة فرانسيس ماكدورماند و وودي هاريلسون و كاثرين نيوتون و بيتر دينكليدج و سام روكويل

الأداء التمثيلي

الأداء التمثيلي لكل أبطال الفيلم كان قوي ومميز، وعجبنا جدا ادراك كل واحد من الأبطال لأبعاد دوره، والطبقات المختلفة المكونة منها كل شخصية من شخصيات الفيلم، بحيث نقدر نشوف في النهاية أداء سينمائي مركب وممتع جدا.

السيناريو والحوار والأخراج

سيناريو الفيلم سهل الفهم سهل المتابعة سريع الأحداث، كمان أخراج الفيلم كان واضح فيه المجهود الكبير اللي تم بذله علشان يخرج الفيلم في النهاية قوي ومميز. وبشكل عام نقدر نقول أن الفيلم ينتمي لفئة السهل الممتنع في الأفلام.

الديكورات والموسيقى والأزياء

ديكورات الفيلم نجحت في نقلنا بصريا وذهنيا لأماكن الأحداث وكأننا من سكان المدينة اللي بتدور فيها القصة، كمان الموسيقى التصويرية كانت ملتزمة بحدودها وعارفة امتى تتدخل في المشهد والأحداث وامتى تلتزم الصمت وتسيب المشاهدين لتركيزهم.

الخلاصة

فيلم Three Billboards Outside Ebbing, Missouri بيقدم حبكة سينمائية جيدة وقصة مميزة مع أداء تمثيلي مبهر وبنرشحه لمحبي أفلام الغموض والأثارة.

علشان تبقى عارف: تقييم الفيلم على موقع IMDB 8.3 من 10