Up and Away: لو معاك البساط السحري هاتعمل ايه؟
على الرغم من بساطة بعض قصص الأفلام. لكنها بتقدر تاخدك لعالم سحري جميل وتشجعك على المشاهدة من البداية للنهاية فيلم Up and Away من الأفلام دي. لكن برضو الأمر ما يخلاش من بعض العيوب اللي هانتكلم عنها في مقالنا النقدي عنه.
Up and Away بيحكي عن هودجا الطفل الصغير اللي بيستعير بساط سحري من بائع سجاد. البساط عنده القدرة على الطيران. وبائع السجاد قرر يعطي هودجا البساط مقابل أنه يجد بنته اللي أضطر يسيبها هربا من سلطان شرير.
زي ما قولنا القصة متوقعة والسيناريو اللي كتبه وأخرجه كارستن كايليريتش مافيهوش عقد كتير أو ألغاز تستعصي على الفهم. بالتالي أي طفل من سن سنتين أو ٣ سنين يقدر يتابع الفيلم بدون مشاكل.
لكن من ناحية تانيه يعيب كارستن كايليريتش ضعف الإنتاج اللي أثر على جودة الرسومات. وخلانا نحس أننا أمام فيلم منتج من التسعينات مش فيلم حديث. كمان السيناريو كان مفتقر لكمية جيدة من الكوميديا أو الاستعراضات الكثيرة والمبهرة. وده هايخلي المشاهد مضطر يتابع خيط واحد درامي فقط بيمتد من بداية الفيلم لنهايته.
الأداء الصوتي لأبطال الفيلم توري ليندهارت و بيتر فرودين و باقي الأبطال كان جيد وكل صوت تم توظيفه في شخصيته الصحيحة والمناسبة. لكن زي ما قولنا كنا محتاجين شخصيات أكتر ومواقف كوميدية أكبر علشان نشعر أن الفيلم صالح للمشاهدة لاي عمر مش بس للأطفال.
Up and Away فيلم أنيميشن بسيط بدون تعقيدات صالح للمشاهدة للصغار فقط وينفع كحل أمن ولطيف لأب وأم عاوزين يسيبوا أولادهم يتسلوا بدون خوف عليهم أو على أفكارهم.
