vs.: معركة في عالم الراب البريطاني
الخليط اللي بيجمع الغناء والسينما بيقدم في الغالب أفلام جيدة. هوليود متخصصة في النوعية دي من الأفلام. لكن يبدو أن الوقت جاء لفيلم من انتاج بريطاني انه يقدم نسخته عن عوالم الراب في فيلم سينما.
فيلم VS. بيحكي عن مغامرة شيقة في عالم الراب من خلال قصة صعود نجم في عالم مش بيعترف غير بقوة الكلمات وطريقة غناها بسرعة. بالإضافة لسرعة البديهة والقدرة على الرد على المنافسين في جو حماسي وحلقات بيحضرها عدد كبير من الشباب.
على الرغم من قوة القصة لكن اخراج إد ليلي لها جعل الفيلم يبدو كأنه متشابه مع أي فيلم تاني عن الراب. وماقدرش بطل الفيلم كونور سويندلز يقدم – بالتعاون مع المخرج- تناول مختلف أو لعب على وتيرة جديدة يقدر يجذب من خلالها المشاهدين.
لكن المميز في الفيلم هو أغاني الراب اللي قدمها ومشاهد الحفلات اللي بتنسجم فيها الموسيقى مع الكلمات الحماسية علشان النتيجة النهائية تكون جيدة. لكن للأسف أغاني الراب لوحدها ماتقدرش تصنع فيلم ناجح لو غابت الدراما عن المعادلة وده اللي شوفناه في فيلمنا.
لو كنت من محبي أغاني الراب وقصص الصعود في العالم ده فيلم vs. هايكون مثالي للمشاهدة. بغض النظر عن ضعف مستوى الدراما
