Winchester: رعب من نوع مختلف

قليلة هي الأفلام اللي بتقدم الرعب بشكل مختلف وجديد ومميز، ونقدر نعتبر Winchester واحد من الأفلام القليلة دي. تعالوا نتعرف أكتر عليه

القصة

Winchester بيحكي عن سيدة عجوز وغريبة الأطوار بتعتقد أنها مستهدفة ومحاطة بأشباح أشخاص اتقتلوا ببندقية من نوع وينشستر، كونها وريثة صانع السلاح الشهير في الفترة دي من الزمن.

فريق العمل

الفيلم من تأليف وأخراج مايكل سبيريج ومن بطولة سارة سنوك و هيلين ميرين و جايسون كلارك و أنجوس سامبسون و لورا برنت و تيلور كوبين

الأداء التمثيلي

الأداء التمثيلي من أبطال الفيلم كان مميز، لكن طبعا نخص بالذكر هيلين ميرن، والفائزة بالأوسكار قبل كده، واللي قدرت تقدم دور أكثر من رائع ونعتقد أنه هايظل في ذاكرة محبيها لوقت طويل.

السيناريو والحوار والأخراج

سيناريو الفيلم سهل الفهم ومش ممل على الإطلاق، وبينتقل بينا من مشهد للتاني بسهولة ويسر ورعب في نفس الوقت. والحقيقة أن سيناريو الفيلم كان مُخلص لفكرة تقديم الرعب بشكل مختلف عن باقي مشاهد الرعب اللي بنشوفها في الأفلام التقليدية، والنجاح ده يستحقه المخرج أيضا واللي قدر يستوعب الحقيقة دي ويوظفها في تقديمه للفيلم.

الديكورات والموسيقى والأزياء

ديكورات الفيلم كانت أكثر من رائعة ونقلتنا زمنيا للفترة اللي بتدور فيها الأحداث كمان المؤثرات الخاصة والموسيقى لعبت دور مهم علشان نشعر بالرعب، وكل الأمور دي تدل على الأخراج الواعي واللي قدر يوظف كل العوامل دي لصالح خروج الفيلم بشكل متميز.

الخلاصة

فيلم Winchester فيلم رعب من طراز مختلف ويستحق المشاهدة من محبي أفلام الرعب

علشان تبقى عارف:

تقييم الفيلم على موقع IMDB 5.4 من 10