Wonder Park : الخيال قادر يعمل معجزات

بيعجبنا في أفلام الأنيميشن اللي بنشوفها مؤخرا أن بيكون لها رسالة وهدف مش مجرد مشاهد متعاقبة لتسلية الأطفال. ده اللي بيخلي فيلم الأنيميشن صالح للمشاهدة من الكبار والصغار على حد سواء.

Wonder Park بيحكي عن بنت صغيرة بتصنع عالم من الخيال عبارة عن حديقة فيها حيوانات متكلمة ومخلوقات ظريفة. لكن عند مرحلة معينة ونتيجة تعقيدات في الأحداث بتجد بطلتنا (جون) نفسها مضطرة تتعاون مع حيوانات الحديقة علشان تنقذ خيالها الجميل.

من الأمور المميزة في الفيلم الأداء الصوتي الجميل من كل ابطال الفيلم تقريبا زي ميلا كونيس و كين جيونج و جينيفر‎ جارنر وغيرهم. ومن المميز في الفيلم أن أبطاله أصحاب أسماء كبيرة في عالم السينما والفن. وبالتالي جه أدائهم التمثيلي الصوتي قوي ومميز.

على الرغم من قوة الفيلم من ناحية الرسوميات وتحريك الشخصيات على الشاشة واختيار كرنفال الوان متنوع في كل مشهد. لكن وضوح الهدف من الفيلم ممكن يخلي بعض المشاهدين يشعروا ببعض الملل خاصة الفئات العمرية الأكبر اللي بتشوف الفيلم.

Wonder Park فيلم جميل يستحق المشاهدة وبيقدم – بالإضافة للمتعة – رسالة جميلة تستحق التشجيع.