Wonder Woman: مهمة ضد اله الحرب
حالة كبيرة من الجدل صاحبت عرض الفيلم في العديد من البلدان العربية بسبب جنسية جال جادوت الإسرائيلية، لكن في النهاية تبقى الانقسامات السياسية.. وتبقى السينما فن منفصل بذاته لا يعترف بالحدود أو الجنسيات.
القصة
الفيلم بيحكي عن المرأة الخارقة لما كانت عايشه على جزيرة فيها عدد كبير من الفتيات الأمازونيات، وفى أحد الأيام بتسقط طائرة حربية أمريكية على الجزيرة وبتقدر البطلة الأميرة ديانا أنها تنقذ الطيار الأمريكي واللي بيحكيلها عن الحرب العالمية الأولى اللي بتدور رحاها في العالم الأن. ديانا بتقرر تشارك في الحرب علشان تحقق حلمها ومهمتها الأساسية اللي بيدور حواليها الفيلم.
فريق العمل
الفيلم من اخراج باتي جينكينز ومن بطولة جال جادوت و كريس باين و روبن رايت و كوني نيلسن و لوسي ديفيس.
الأداء التمثيلي
الأداء التمثيلي لجال جادوت كان ضعيف لدرجة كبيرة، كمان كانت محتاجه تاخد بالها من قدراتها الجسدية قبل ما تدخل في فيلم كله ضرب وحرب بالشكل ده، علشان النتيجة كانت الاستعانة بالدوبليرات في كتير من مشاهد الفيلم علشان يغطوا على عدم قدرتها على القيام بعدد كبير من مشاهد الفيلم.
أما كريس باين فكانت مشاهده أقوى، وكانت المقارنة بين مشاهده ومشاهد جال جادوت لصالحه طبعا في المحصلة النهائية.
السيناريو والحوار والأخراج
سيناريو الفيلم قدر يركز على عوامل القوة في الأحداث، والحوار اللي كنا خايفين إنه يكون أضعف حلقات سلسلة الفيلم طلع في النهاية متميز وقادر على انه يعكس الحالة الإنسانية للأبطال، وطبعا الإخراج اعتمد بالمقام الأول والأخير على المؤثرات الخاصة اللي قدمت بعض المعارك والاشتباكات بشكل مثير ويحبس الأنفاس الى ابعد الحدود.
الديكورات والموسيقى والأزياء
ديكورات الفيلم كانت قوية وقدرت ترجعنا للفترة الزمنية الخاصة بالحرب العالمية الثانية، على العكس من الموسيقى اللى لم تكن بالقوة اللي توقعناها، أما الأزياء فكانت هي كمان متناسقة مع الظرف الزماني اللي بتدور فيه أحداث الفيلم.
الخلاصة
فيلم wonder woman مقدمة قوية لسلسلة من الأفلام اللي نتوقع لها الاستمرار والنجاح.
علشان تبقى عارف:
المخرج زاك سنايدر ظهر في دور شرفي كواحد من الجنود في الحرب العالمية الأولى.
