هروب مفاجئ: فيلم فيه مشاكل كتير في العيد الكبير
فترة طويلة مرت على مشاهدتنا لفيلم منخفض التكلفة تجاري النزعة بيستهدف تحقيق أكبر كمية تذاكر في موسم العيد بغض النظر عن المستوى الفني، للأسف هروب مفاجئ بينتمي للفئة دي من الأفلام، والغريب أن حتى انتاج فيلم بالمواصفات دي تأخر 3 سنوات!
القصة
الفيلم بيحكي عن رجل بيبحث عن حبيبته المختفية من فترة طويلة بدون أي أثر، وفى البحث ده بيواجه مجموعة من المشاكل والمواقف اللي بتتراوح بين كونها مواقف غموض واثارة واكشن، مع لمحة من الكوميديا.
فريق العمل
هروب مفاجئ من اخراج ابرام نشأت و تأليف سامح فرج وبطولة أشرف مصيلحي ونرمين ماهر وشيماء سيف.
الأداء التمثيلي
بصراحة شديدة الأداء التمثيلي لكل الممثلين المشاركين في الفيلم كان ضعيف جدا ولا يرتقى انه يكون أداء تمثيلي بالأساس. وكنا محتاجين نشوف أداء أقوى وقدرة أفضل على الوقوف أمام الكاميرا وأداء المشاهد المختلفة.
السيناريو والحوار والأخراج
سيناريو الفيلم كان ضعيف وركيك ومحتاج شغل أفضل من كده، والحوار كان مباشر وسطحي وواضح الإهمال في كتابته جدا، وطبعا كل الأمور دي بتقول ان الفيلم وإخراجه كانوا بعافيه شوية.
الديكورات والموسيقى والأزياء
طبعا في نوعية أفلام زي هروب مفاجئ بيكون الكلام عن الديكورات او الموسيقى والازياء من ضروب الخيال، لان السيناريو والتمثيل والإخراج نفسهم كانوا محتاجين يكونوا افضل.
الخلاصة
بنرجو صناع فيلم هروب مفاجئ انهم يحاولوا يقدموا لنا افضل في الفترة القادمة. شوية اهتمام وشغف وورق مكتوب حلو ممكن يقدموا في النهاية فيلم مميز.
علشان تبقى عارف:
المخرج ابرام نشأت هو أيضا مخرج فيلم عمود فقري وظرف صحي
