Down a Dark Hall : رعب تقليدي في سينمات القاهرة
يبدو أنه هايكون من النادر في الفترة القادمة أننا نشوف فيلم رعب له فكرة مختلفة عن باقي أفلام الرعب. ومن الواضح في أفلام الرعب اللي بيتم انتاجها مؤخرا الاستسهال والبحث عن القصص المكررة وأعادة تقديمهامن جديد على الشاشة.
فيلم Down a Dark Hall بيحكي عن (كيت) الفتاة المراهقة –اللي بتجسد دورها أنا صوفيا روب– اللي بتلتحقبمدرسة داخلية علشان تواجهها مجموعة من الأحداث المرعبة والشريرة اللي مش بتسيبها في حالها. أحداثقادرة على تحويل حياتها وحياة باقي الطالبات لجحيم.
على الرغم من أن سرد القصة – اللي كتبها لويس دونكان– في موضوعنا ممكن يكون مثير، لكن تنفيذ القصةعلى الشاشة كان بيطبق كل عوامل التكرار والملل اللي ممكن نشوفها في اي فيلم رعب. بداية من الاشباح أوالمخلوقات الغريبة اللي بتظهر فجأة من جوانب الشاشة، ونهاية بالقرارات الغير منطقية اللي بتاخدها الشخصياتأبطال الفيلم.
وللأسف الشديد ساعد على ”تنميط“ الفيلم طريقة الاخراج اللي اتبعها رودريجو كورتيس واللي أعتمدت هيكمان على النمطية وتقديم قوالب ثابتة شوفناها في كل أفلام الرعب الكلاسيكية تقريبا!
الأمل الأخير في صناع الفيلم كان في الأداء التمثيلي اللي قامت به أوما ثورمان و انا صوفيا روب و ايزابيلفوهرمان وغيرهن من بطلات الفيلم، والحقيقة أن الأداء التمثيلي لهم كان قوي ومميز وقدروا يقنعونا بمشاهدالرعب اللي خرج معظمها في مشاهد مظلمة وفقيرة من ناحية الاضاءة للتغطية على أخطاء المؤثرات الخاصةوالمكياج.
خلاصة الكلام عن فيلم Down a Dark Hall إنه هايعجب فقط مهاوويس أفلام الرعب والباحثين عنهاباستمرار بغض النظر عن مستواها أو مدى النمطية اللي فيها.
علشان تبقى عارف: تم تصوير الفيلم ما بين أكتوبر 2016 وحتى ديسمبر 2016.
