Molly’s Game: العالم السري لصالات القمار

لازم نعترف أن الأفلام اللي بتحكي كواليس وأسرار عالم ما بيكون لها سحر خاص وبتزود رغبتنا في معرفة المزيد عن العالم ده، ومتابعة الأحداث من البداية للنهاية، وهو ده كان شعورنا مع فيلم Molly’s Game

القصة

Molly’s Game بيحكي عن مولي بلوم اللي بتقرر تترك عالم التزحلق على الجليد بعد أصابتها وتتجه لعالم صالات القمار ولعبة البوكر، واللي بتحقق فيها شهرة كبيرة وبتدخل في رهانات عالية بأرقام فلكية، لكن مين قال أن الربح في المجال ده ممكن يعدي بشكل سهل وبسيط!

فريق العمل

الفيلم من تأليف وإخراج ارون سوركين ومن بطولة جيسيكا تشاستين و إدريس إلبا و كيفن كوستنر  و جو كيري و مايكل سيرا و راتشيل سكارستن

الأداء التمثيلي

الأداء التمثيلي لكل أبطال الفيلم كان أكتر من رائع، وخاصة بطلة الفيلم جيسيكا تشاستين واللي قامت بدور مولي بلوم كأفضل ما يكون وقدرت تقربنا من عالم الشخصية دي وتخلينا نفهم دوافعها وأسباب التحولات الكبيرة في حياتها.

السيناريو والحوار والأخراج

مانقدرش نقول أن سيناريو الفيلم صعب الفهم، لكن يحتاج شوية تركيز أزيد من الأفلام التانية علشان نشعر بمتعة المشاهدة كاملة وعلشان نقدر نستوعب كافة الأحداث اللي بتدور حوالينا، كمان حوار الفيلم كان قوي ومتميز، وكل الأمور دي تدل في النهاية على المخرج اللي قادر يوظف عوامل الفيلم المختلفة لخدمة الأحداث واستيعاب المشاهدين لها.

الديكورات والموسيقى والأزياء

ديكورات الفيلم والموسيقى التصويرية الخاصة به كانت من أفضل الحاجات اللي تميز بيها الفيلم، وقدرت تضعنا في الجو العام للأحداث بسرعة وسهولة وتخلنا نندمج في الجو العام للفيلم ونعيش تفاصيله بشكل أفضل.

الخلاصة

فيلم Molly’s Game ممتاز لمحبي الأفلام اللي بتتكلم عن الثروة واللعب على حبال القانون والتلاعب

علشان تبقى عارف:

تقييم الفيلم على IMDB 7.6 من 10