Alita Battle Angel : معركة الإنسان الحقيقية مع نفسه!
على الرغم من مشاهد الصراع والأكشن والمطاردات في فيلم Alita Battle Angel إلا ان قيمته الأساسية في السؤال اللي بيطرحه الفيلم على المشاهدين. هل صراع الإنسان الحقيقي مع نفسه ولا مع التحديات اللي بتواجهه خارج دايرته الشخصية؟
Alita Battle Angel بيحكي عن إنسانه ألية أو (سايبورج) بيتم تنشيطها للعمل بعد فترة من الخمول. ومع مواجهتها لقوى الشر حواليها بتبدأ تحاول تستجمع قواها من جديد وتفهم بالظبط هي موجوده ليه والمفروض تقاتل في صف مين.
أفلام الفانتازيا المبنية على فكرة الكائنات الألية من الأفكار اللي بتستهوي قطاع كبير من المشاهدين. وشوفنا أفلام بحجم The Terminator واللي تم تقديمها بأكثر من نسخة وأكثر من فيلم وحقق نجاح كبير في المنطقة العربية ومصر.
ولما بنتكلم عن فيلم بحجم Alita Battle Angel بيستمد قوته من أسماء العاملين فيه. مخرج بحجم روبرت رودريجيز و سيناريو من العملاق جيمس كاميرون وفي البطولة بنشوف ( كريستوف والتز) و (ماهرشالا علي) و(جينيفر كونلي) وجميعهم حصلوا على جوائز الأوسكار. يعني في الحقيقة أحنا بنتكلم عن فريق تنفيذ متميز جدا. وقدرو بالفعل يقدموا أداء تمثيلي اكتر من رائع.
أما على صعيد المؤثرات الخاصة والخدع فالفيلم كان رائع جدا وكان كل مشهد من مشاهده حقيقي الى اقصى درجة. مع الاهتمام الكبير بالتفاصيل اللي خلتنا ندخل في الأحداث ونعيش معاها.
Alita Battle Angel فيلم قوي ومميز وهايعجب محبي أفلام الخيال العلمي والفانتازيا بدرجة كبيرة.
