تجربة استخدام LG 32 Inch HD Smart TV
مع التطور التكنولوجي الكبير اللي أصبحنا عايشينه بشكل يومي أصبح امتلاك تليفزيون ذكي أو Smart TV من أهم الحاجات اللي بتخلي الحياة أسهل وأفضل. علشان كده بنستعرض معاكم اليوم التليفزيون الذكي عالي النقاء من LG واللي بييجي بشاشة 32 انش.
لكن قبل ما نستعرض معاكم التليفزيون عاوزين نقولكم عن بعض المصطلحات الخاصة بالتليفزيونات الذكية علشان هاتكون مهمة لفهم خصائص التليفزيون
|
المصطلح |
الشرح |
|
Smart TV |
تليفزيون ذكي. بيقدر يدخل على الانترنت ويتصفح يوتيوب ويشغل ملفات ميديا..الخ. |
|
HDMI |
مدخل خاص بتوصيل الأجهزة الحديثة زي البلاي ستيشن أو الرسيفرات الحديثة أو حتى DVD Player. |
|
USB Port |
مدخل لتوصيل أجهزة تخزين خارجية زي الفلاش ميموري أو الهارد ديسك. |
|
OS |
نظام التشغيل الخاص بالتليفزيون. |
|
Smart Share |
تقنية مشاركة الصور والفيديوهات من الموبايل أو الكمبيوتر للتليفزيون علطول. |
ودلوقت بعد ما شرحنا لكم المصطلحات الخاصة بعالم التليفزيونات الذكية، نتناقش معاكم في مميزات وعيوب تليفزيون ال جي الذكي.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
https://yaoota.com/ar-eg/product/lg-32lj570u-32-inch-hd-led-smart-tv-price-from-jumia-egypt
مواصفات LG 32 Inch HD Smart TV
|
حجم الشاشة |
32 بوصة |
|
نظام التشغيل |
Webos |
|
فئة الجهاز |
HD تشغيل عالي الجودة بشاشة رفيعة |
|
الضمان |
سنتين |
|
اللون |
أسود |
|
الوسائط |
مدخل HDMI و USB2.0 و WI-FI |
المميزات
- مظهر أنيق وجذاب
- سهولة في الاستخدام
- ريموت كنترول ممتاز وسهل بتقنية Magic remote اللي بتخلي التعامل مع التليفزيون زي الـ mouse الخاصة بالكمبيوتر
- مداخل متعددة لتركيب أجهزة كتيرة في نفس الوقت
- نظام التشغيل ذكي فعلا ومتميز
العيوب
- توصيل الأجهزة والوصلات لازم يتم في خلفية الجهاز وده بيكون صعب ومرهق في معظم الحالات.
- الجهاز بطىء شويه في بداية التشغيل وخاصة لو عندنا اكتر من جهاز مرتبط به
- بطارية الريموت كنترول بتنتهي بسرعة
- الجهاز لا يوجد به نظام ترفيه او العاب داخلية، وبيعتمد على الأجهزة اللي بيتم شراؤها بشكل منفصل
تجربة الاستخدام
لو بتدور على تليفزيون متميز بشاشة قوية ودقة عرض ممتازة وسعر مناسب لكل الإمكانيات دي، نقدر نرشح لكم تليفزيون LG الذكي، كمان لو كنتم من محبي متابعة اليوتيوب وباقي تطبيقات الأجهزة الذكية التليفزيون مميز جدا في النقطة دي.
لكن لو بتبحثوا عن إمكانيات اكتر مقابل السعر، ومش بتحبو الجهاز اللي ممكن (يهنج) أو يتوقف فجأة عن العمل بعد فترة من التشغيل وتضطروا تعملوا له إعادة تشغيل من جديد، ولو كنتم عاوزين تليفزيون فيه العاب واخبار وبرامج كتير مدمجة، في الحالة دي ننصحكم بالتفكير مرتين قبل شراء التليفزيون.

