مقالات موقع Yaoota

برامج متخصصة في الحماية من الفيروسات وبرامج الاختراق

قراءة سهلة

مؤخرًا أصبحنا بنسمع طوال الوقت عن فيروسات الكمبيوتر اللي بتطلب فدية من مستخدمي الكمبيوترات المختلفة، ده غير عمليات النصب والاحتيال والاختراق وسرقة بيانات الدخول للإيميلات ومواقع التواصل الاجتماعي وبيانات الكريدت كارد وغيرها من المشكلات الكبيرة اللي ممكن تحصل لما نفرط في أمننا الرقمي.

كل الأمور دي بتخلينا نعتبر الأمن الرقمي مهم زي أمان المنازل بتاعتنا بالظبط. علشان كده ياقوطة هاتستعرض معاكم في الموضوع ده شوية مصطلحات مهمة وأساسيات لازم نكون عارفينها قبل ما نبدأ نأمن الكمبيوتر بتاعنا، ثم هانتكلم عن أهم البرامج اللي ممكن نستعملها في المجال ده.

المصطلحات

لكن علشان نبقى على نور لازم نوضح لكم بعض المصطلحات اللي هانستعملها كتير في موضوعنا علشان تبقوا عارفينها كويٍس. وده اللي بيشرحه الجدول الحالي:

المصطلح

الشرح

الهاكر Hacker

هو مخترق الكمبيوتر اللي بيسعى لسرقة بيانات شخصية أو تخريب البيانات الموجودة على الكمبيوتر.

الكراكر Cracker

هو مخترق الكمبيوتر اللي بيسعى لسرقة بيانات الكريدت كارد أو رقم حساب البنك.

الفيروس Virus

عبارة عن برنامج خبيث بيسبب ضرر شامل أو جزئي بشكل مؤقت أو دائم في جهاز الكمبيوتر ونظام التشغيل.

التروجان Trojan

برنامج خبيث بيفتح ثغرة للمخترق تسمح له بدخول الكمبيوتر وسرقة بياناته المهمة.

نظام التشغيل OS

هو النظام اللي بيشغل الكمبيوتر وبتنقسم أنظمة التشغيل لتلات أنواع:

Windows: الأكتر شيوعا في مصر والمنطقة العربية

Mac: الأفضل والأغلى ثمنا

Linux: نظام مجاني وقوي لكنه غير منتشر في الوطن العربي عموما.

وعلشان تبقى الأمور أكثر وضوحا، عاوزين نقول أن البرامج الضارة اللي ممكن تضر جهازكم ممكن تكون عبارة عن (فيروس) وده بيسعى لتخريب نظام التشغيل سواء بشكل كامل، أو من خلال تخريب جزء معين زي أنه يمنع المتصفح من العمل مثلا أو يمسح كل ملفات الأغاني…الخ.

أما التروجان Trojan فا ممكن يقعد فترة طويلة بدون عمل أي مشكلة لكنه بيفتح ثغرة للشخص اللي عمله علشان يسرق بيانات الكريدت كارد أو باسوورد مواقع التواصل..الخ، وفهم الفرق بين الفيروس والتروجان هايكون له دور كبير علشان نعرف نختار البرنامج اللي هانستعمله للحماية.

البرامج

وبعد ما اتكلمنا عن التهديدات اللي ممكن تتعرضوا لها، تعالوا نتكلم عن طريقة مكافحتها. والحل الأمثل هو شراء برامج المكافحة ضد الفيروسات وبرامج التجسس، علشان كده روحنا لياقوطه واللي قدمت لنا مجموعة من البرامج هانستعرضها معاكم:

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

https://yaoota.com/ar-eg/product/bitdefender-total-security-1u-1y-2014-buy-one-get-one-free-price-from-jumia-egypt

البرنامج الأول اللي هانستعرضه مع بعض هو برنامج Bitdefender total security واللي عرفنا أن جوميا بتبيعه بمبلغ 55 جنيه فقط.

مميزات البرنامج

  • البرنامج بيعتبر 2 في 1 يعني بيقدم خدمات ضد الفيروسات وضد برامج التجسس في نفس الوقت.
  • خدمة Bitdefender Safe‎-pay الموجودة مع البرنامج بتحمي بيانات الكريدت كارد من السرقة.
  • البرنامج بيقدم خدمة التصفح الأمن للحفاظ على المواقع اللي بتزورها وكلمات السر بشكل سري.
  • سعر البرنامج رخيص.

عيوب البرنامج

  • البرنامج ممكن يكون تقيل بالنسبة لأجهزة الكمبيوتر القديمة.
  • البرنامج مش من البرامج المشهورة في مجال الحماية والأمن.

تقييم المستخدمين

على الرغم من أن البرنامج رخيص وسهل الاستخدام، لكن البعض بيشتكي من بطء في سرعة استخدام الجهاز بعد تنزيل البرنامج.

https://yaoota.com/ar-eg/product/avg-internet-security-2017-1-pc-1-year-price-from-jumia-egypt

البرنامج الثاني اللي هانتكلم عنه هو AVG Internet security واللي بيتباع على جوميا بسعر 149 جنيه.

مميزات البرنامج

  • البرنامج مزود بجدار ناري Firewall للحماية من محاولات اختراق الهاكرز والكراكرز.
  • البرنامج بيقدم اوبشن العمل مع بداية عمل الجاز، وتحديث مكونات البرنامج بشكل اتوماتيكي.
  • البرنامج خفيف على أنظمة التشغيل.
  • سعر البرنامج رخيص.

عيوب البرنامج

  • البرنامج مش بيقدم أي حماية من الفيروسات أو البرامج الضارة.
  • البرنامج بطئ في العمل ومش بيقوم بشغله بسرعه

تقييم المستخدمين

برنامج عملي ومشهور، لكن في المقابل مش بيحمي الأجهزة من الفيروسات وبيكتفي بحماية النشاط الخاص بالمستخدمين على الأنترنت فقط.

https://yaoota.com/ar-eg/product/trustport-total-protection-antivirus-2012-2-price-from-souq-egypt

يعتبر برنامج TrustPort Total Protection Antivirus من أرخص البرامج اللي صادفناها في بحثنا، وممكن تشتروه بسعر 60 جنيه من سوق دوت كوم

مميزات البرنامج

سعر البرنامج رخيص جدا

البرنامج متكامل. يعني بيقدم خدمة مضادة للفيروسات وبرامج التجسس وغيرها من أدوات مكافحة النصب الالكتروني

عيوب البرنامج

البرنامج غير مشهور وغير عالمي.

البرنامج من أصدار سنة 2012 يعني مش حديث

تقييم المستخدمين

على الرغم من انخفاض ثمن البرنامج لكن عدم كونه حديث بيخلي كثير من المستخدمين يخافوا من استخدامه.

زر الذهاب إلى الأعلى