مقالات موقع Yaoota

تجربة استخدام لابتوب HP Envy 15-ah150sa

قراءة سهلة

أحيانا بنحتاج لابتوب بمواصفات عالية وميزانية مناسبة. شكل جميل لكن أداء قوي. سرعة كبيرة وفي نفس الوقت أداء أفضل وفوق كل ده سعر مناسب. والحقيقة أن Hp Envy اللي ها نستعرضه معاكم دلوقت قدر يحقق جزء كبير من المعادلة دي. لكن ده لا يمنع بعض العيوب اللي شعرنا بيها في تجربة استخدامنا للابتوب. تعالوا نتعرف عليه بشكل موسع أكتر. ونشوف مزيد من الأراء بخصوصه.

المواصفات الفنية للابتوب

الشاشة

نظام التشغيل

اللون

الأبعاد

مساحة الهارد ديسك

الرامات

وحدة التشغيل المركزية

Full HD

Windows8

فضي

38.4 x 25.5 x 2.29 cm

2تيرا بايت

8 جيجا بايت

AMD A10

المميزات

  • الجهاز بيأتي بنظام تشغيل Windows8 يعني مش هايكلف صاحبه شراء نظام تشغيل بشكل مستقل.
  • مساحة التخزين 2 تيرا بايت ممتازة لتخزين مساحات كبيرة من الملفات زي الأفلام والمسلسلات. الخ وصاحب الابتوب الجديد مش هايحتاج توصيل أي وسائط تخزين إضافية إلا في حالات نادرة.
  • شكل الابتوب جديد ومبتكر وأخاذ للعين ومناسب للناس اللي بتحب تشيل أجهزة شكلها مختلف وجديد وجميل.
  • الشاشة بنظام Full HD بتخليها مناسبة جدا لعرض ملفات الفيديو والأفلام بشكل ممتاز.
  • أبعاد الابتوب بتجعل حجمه صغير وسهل الحمل في أي مكان بسهولة.
  • رامات الجهاز والمعالج الخاص به بتجعله جهاز سريع جدا ومثالي للناس اللي بتحب تلعب بعض الألعاب الحديثة والمتطورة.
  • صوت الجهاز جيد جدا في تشغيل الأغاني وملفات الصوت بشكل عام.

العيوب

  • نظام التشغيل Windows8 مش Windows10 الأحدث والأسرع على الرغم من أن الجهاز يستحمل تشغيل الويندوز الأحدث والأكثر كفاءة من مايكروسوفت.
  • اللون الفضي للجهاز ممكن يجعله عرضة أكثر للاتساخ أو ظهور علامات الأتربة عليه لو صاحبه لم يعتني به بشكل كويس.
  • أبعاد الجهاز بتجعله أحيانا مش مريح للأيدي في حالة الكتابة لفترة طويلة لأن مساحة الجهاز مش بتسمح بوجود منطقة غير مستخدمة أو تجعل وضع الايدي عليه سهلة.
  • مع تشغيل الجهاز لفترة طويلة بنشعر ببعض السخونة. مش خارجة عن الاطار الطبيعي لكن محسوس بها بشكل واضح خاصة مع وقت التشغيل الطويل.
  • بطارية الجهاز مش بتستمر لوقت طويل على العكس من توقعاتنا.

تجربة المستخدم

بيمر علينا عدد كبيرة من أجهزة الكمبيوتر المحمولة بنحس أن كلها متشابهة ومافيش حاجات كتير تفرقها عن بعضها. لكن مع HP Envy حسينا بالتفرد من لحظة مشاهدتنا للجهاز. خاصة مع الطريقة المميزة اللي بيتفتح بيها الجهاز، بالإضافة للـFinish النهائي للكمبيوتر اللي بيخليه مميز على صعيد الشكل.

بالنسبة للامكانيات. الجهاز له إمكانيات ممتازة مقارنة بسعرة، ويعتبر بيقدم قيمة ممتازة مقابل المال المدفوع فيه، لأن المستخدم هاياخد إمكانيات وسرعة وكفاءة تتناسب مع كل جنيه بيتم انفاقه عليه وده من المميزات اللي تحسب للجهاز.

المشكلة الوحيدة اللي صادفناها مع الجهاز هي عدم شعور يدنا بالراحة في التعامل مع الجهاز، خاصة مع لمس الكيبورد لفترة طويلة بالنسبة للناس اللي بتشتغل في مجال الكتابة فعلا. بالإضافة لمشكلة سخونة الجهاز مع وقت التشغيل الطويل. لكن السخونة اللي بنتكلم عنها مش دائمة ومش بتسبب مشكلة كبيرة على مدار الوقت.

أما اللي فات مصنعي الجهاز من وجهة نظرنا كان تزويده ببطارية قادرة على الوفاء بكل المتطلبات اللي بيقدمها الهاردوير الخاص به. وعلى الرغم من أن البطارية بتشتغل لوقت كويس نسبيا لكن ده مش الأداء الأفضل اللي كنا نتوقعه من جهاز بالميزانية دي.

من تجارب الأداء اللي شوفناها بخصوص الجهاز كانت تجربة (والروس) على موقع أمازون البريطاني، واللي قال أن تصميم الجهاز جيد جدا، وبطاريته مقبولة بالنسبة للأمور اللي بيقوم بيها، لكن مع استخدامه للجهاز شعر أنه بيكون هناك شوية تأخير مع استخدام أكتر من تطبيق تقيل في نفس الوقت. لكن التأخير مش بيدوم غير لثواني معدودة وبعدها بيكون أمام المستخدم كتير من الطاقة علشان يعمل بيها أي شيء يحتاجه.

(والروس) بيستخدم الجهاز في الجامعة علشان يعمل بيه حاجات كتير في نفس الوقت. كمان بيشاهد عليه ملفات الميديا وبيسمع مزيكا، وبيشكر جدا في أداء الجهاز من ناحية الصوت، لكن في نفس الوقت مش بينصح باستخدام الجهاز لممارسة الألعاب الالكترونية الحديثة والتقيلة علشان الجهاز مش هايقدر يشغلها بشكل مثالي.

زر الذهاب إلى الأعلى