مقالات موقع Yaoota

تجربة استخدام HP لاب توب 14-am002ne – Intel Celeron – رام 4 جيجا بايت – هارد ديسك درايف 500 جيجا بايت

قراءة سهلة

المميز في شركة HP هي قدرتها على تقديم شريحة واسعة من أجهزة الاب توب، واللي بتناسب شرائح واسعة ومختلفة من المستخدمين، علشان كده بتقدر HP تستحوذ على شريحة سوقية كبيرة وتكسب كل يوم زبائن جدد. وعلشان كده حبينا نستعرض معاكم تجربتنا في استخدام لابتوب HP صاحب الـ 14 بوصة و 4 جيجا رامات و 500 جيجا هارد ديسك. واللي بنعتبره لاب توب مناسب لطلبة المدارس والجامعات والناس اللى بتدور على لابتوب مناسب بميزانية محدودة. وبدون إمكانيات ضخمة قد لا يكون لها استخدام حقيقي على أرض الواقع.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

https://www.jumia.com.eg/ar/14-am002ne-laptop-intel-celeron-4gb-ram-500gb-hdd-14-hd-intel-gpu-dos-turbo-silver-hp-mpg16086.html?utm_campaign=33&utm_medium=affiliation&utm_source=cake&utm_term

المواصفات الفنية للابتوب

وحدة المعالجة المركزية

رامات

هارد ديسك

الشاشة

كارت الشاشة

نظام التشغيل

Intel Celeron N3060 بسعة 1.6 جيجا هيرتز

4 جيجا بايت

500 جيجا بايت

14 بوصة HD WLED‎-backlit

Intel HD Graphics 400 GPU

FreeDOS 2.0

المميزات

  • سعر الجهاز يعتبر منخفض بالنسبة للإمكانيات اللي بيقدمها مقابل المبلغ المدفوع فيه.
  • المساحة التخزينية للجهاز (500 جيجا) متوسطة ومناسبة لتخزين الأغاني والأفلام للناس اللي استخدامها من خفيف الى متوسط.
  • الشاشة عالية الدقة HD وده بيعطيها قدرة عالية على تشغيل ملفات الميديا بجودة مميزة.
  • حجم الجهاز ووزنه بيخليه خفيف مقارنة بأجهزة تانية في نفس الفئة، وأسهل في الحمل والتنقل.

العيوب

  • وحدة المعالجة المركزية أو CPU مش قوية. بالتالي الجهاز مش بيقدم سرعة كبيرة في نقل البيانات أو باقي المهام اللي بيقوم بيها.
  • الجهاز مش بيأتي بأي نظام تشغيل سواء Windows أو حتى Linux وده بيكلف المستخدم تكلفة إضافية لشراء نظام التشغيل.
  • حجم الشاشة صغير وده ممكن يضايق محبي مشاهدة الأفلام أو لعب الألعاب على الابتوب.
  • أمكانيات كارت الشاشة محدودة. ده بيخلي الابتوب مش بيشغل الألعاب الحديثة، وبيخليه بشكل عام مش مناسب للألعاب أو استخدامات الجرافيكس العالية.

تجربة المستخدم

الاب توب يعتبر مناسب لطلبة الجامعات والمدارس اللي عاوزين يتصفحوا الانترنت ويكتبوا ملفات وورد واكسل..الخ ويمارسو الاستخدام الخفيف والمتوسط لجهاز الكمبيوتر بشكل عام، أما مصممي الجرافيكس أو هواة الألعاب الحديثة لازم يبحثوا عن موديلات أقوى وأكثر تأثيرًا، وعلى الرغم من الحجم والوزن المثالي للجهاز للناس اللي بتتحرك كتير لكن عمر البطارية مش بيدوم لوقت طويل مقارنة بالموديلات الاحدث، كمان عدم وجود نظام تشغيل مع الجهاز هايكلف المستخدم ثمن نسخة ويندوز، لكن أنظمة لينكس المجانية ممكن تقدم نظام تشغيل قوي ومجاني في نفس الوقت لو المستخدم هايعرف يتعامل معاها.

قابلنا محمد حكيم الطالب في كلية التجارة جامعة عين شمس واللي بيستعمل الابتوب علشان يخلص الأبحاث ويكتب ملاحظات عن المحاضرات باستخدامه، محمد كمان بيستعمل الابتوب لتصفح الانترنت وفيس بوك وغيره من مواقع التواصل الاجتماعي وكانت تجربته للجهاز كويسة من وجهة نظرة وبالنسبة للميزانية اللي كان حاططها للشراء، لكن في نفس الوقت محمد حكى لنا ان الجهاز تجربته بطيئة وغير عملية في بعض البرامج الثقيلة زي فوتوشوب أو الألعاب الحديثة اللي بيحب يلعبها لكن الجهاز كان غير قادر في النهاية على تشغيلها.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

زر الذهاب إلى الأعلى