مقالات موقع Yaoota

ازاي تختار الراوتر اللاسلكي المناسب.

قراءة سهلة

معظم شركات الانترنت بتقدم راوتر مجاني أثناء تركيب خدمة الـ ADSL للمنازل. الراوتر المجاني اللي بيختلف نوعه من شركة لأخرى، ومن مقدم خدمات لأخر بيكون كويس بالنسبة للناس البسيطة اللي عاوزه مجرد انترنت في البيت وخلاص.

لكن بالنسبة لشريحة تانية من المستخدمين بتكون مساحة المنزل عندهم أكبر، أو محتاجين خدمات إضافية في الراوتر زي معاملات أمان أقوى أو مساحة انتشار أكبر… الخ في الحالة دي بيكون عليهم شراء راوتر جديد أو إضافي.

لكن علشان قرار اختيار راوتر جديد بيكون صعب ومحتاج وقت وجهد كبير، ياقوطه قررت توفر عليكم الوقت والجهد وتقدم لكم دليل شامل وسريع لاختيار الراوتر المناسب.

مصطلحات الراوترات

وعلشان نبقى على دراية وفهم للمصطلحات الخاصة بشراء الراوترات، وعلشان نقدر نقرأ بشكل صحيح ومفهوم المصطلحات اللي بتكون موجودة على الكرتونة الخاصة بالراوتر أو على المواقع الالكترونية المختلفة.

المصطلح

الوصف

Router Range

والمقصود بيها المساحة اللي بيغطيها الراوتر، وفى الغالب بيتم تحديد قيمتها برقم معين من الأمتار، بتتحسب من خلال دائرة قطرها هو عدد الأمتار دي.

Wireless Security

والمقصود بها عناصر الأمان الخاصة بالراوتر وتنقسم لأكثر من اعداد أهمهم وأحدثهم WPA2,WPA-PSK

Firewall Security

نوع تاني من الحماية ضد الهجمات ضد الأجهزة المتصلة بالراوتر ويمكن تفعيله أو الغاؤه من داخل الراوتر

System Requirements

هي متطلبات الأجهزة اللي تقدر تتصل بالراوتر. ومعظم الراوترات الحديثة بتقبل دخول كافة أجهزة ويندوز وأبل و لينكس وغيرها.

Package Contents

ومعناها القطع الموجودة في العلبة، زي الراوتر وسلك الشحن والكتالوج الخاص بالراوتر مثلا.

WPS

نظام للدخول على الراوتر بدون كلمة سر أو اعدادات، ودايما بيكون موجود في الراوترات الحديثة.

أسئلة قبل الشراء

وعلشان نختار الراوتر المناسب لازم نسأل نفسنا الأسئلة المناسبة. والإجابة عنها هاتحدد نوع الراوتر بالظبط.. والأسئلة دي هي:

هل بشتري راوتر لزيادة المساحة المغطاة بالإنترنت؟

والإجابة على السؤال ده هاتخلينا نختار الراوترات اللي لها (3 أنتنا) علشان بتقدر توصل الإنترنت لمساحات أوسع بكتير من باقي الراوترات.

هل بشتري الراوتر علشان أحصل على سرعة انترنت أسرع؟

وفى الحالة دي هاندور على راوتر بسرعة أعلى

هل بشتري راوتر علشان أوصل أجهزة كتير ومختلفة؟

والأجوبة هاتحدد عدد المنافذ في الراوتر اللي بنقوم بشراؤه

ما هي ميزانية الشراء

ودي اللي بتحدد سعر الراوتر اللي بندور عليه.

الأنواع المتاحة من الراوترات

وهنا ها نناقش معاكم أنواع الراوترات المختلفة المتاحة في السوق المصري وأسعارها ومواصفاتها، ونشوف ترشيحات ياقوطه لنا.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

راوترات D-Link

وهى واحدة من أشهر الراوترات في الأسواق، وليها سمعة قوية ومعظم المستخدمين المصريين بيقبلوا على شراء راوترات دي لينك. والمتاح منها كان الأتي

  • DSL-2730U

وده راوتر متاح من جوميا بسعر 399 جنيه بلون أسمر وأنتنا واحدة، وله 4 منافذ لتوصيل الأجهزة مباشرة للراوتر، ويتم حمايته بكلمة سر مزدوجة وجدار ناري ضد هجمات المخترقين، وسرعة نقل البيانات تصل الى 150 ميجا بايت في الثانية وسرعة رفع 1 ميجا في الثانية.

محمد رمضان اللي اشترى الراوتر قال لنا ان الراوتر مخصص للاتصال التقليدي العادي بالإنترنت، وقال لنا انه لم يجد أي فارق بينه وبين الراوتر اللي وصله من شركة الأنترنت غير في مساحة التغطية واللي كانت أكبر بشىء بسيط.

  • DSL-2750U

نوع تاني من الراوترات متاح أيضا من D-link بسعر 595 جنيه على الرابط اللي بيتيح شراء الراوتر من كومبيو مي.

سرعة التحميل في الراوتر تصل الى 300 ميجا في الثانية وسرعة الرفع 1 ميجا كمان بيتميز الجهاز بوجود 2 انتنا واللي بتوفر انترنت اسرع لمساحة اكبر من المنزل.

  • DSL-2740U

ومتاح للشراء على كومبيو مي بسعر 503 جنيه وفيه 2 انتنا وبتوصل سرعة الانترنت فيه الى 300 ميجا في الثانية وبيشبه الموديل السابق بالظبط من حيث الشكل أو الإمكانيات.

وعلشان نوفر عليكم عملنا جدول للمقارنة بين طرازات Dlink المتاحه

الموديل

السعر

المميزات

العيوب

DSL-2730U

399 جنيه من جوميا

  • سعر رخيص
  • أداء مقبول
  • سرعة رفع عاليه
  • راوتر اعتيادي بدون مميزات خاصة.
  • تصميم عادي بدون جماليات.

DSL-2750U

595 جنيه من كومبيو مي

  • بيغطي مساحة أكبر
  • سرعة رفع وتحميل عالية
  • سعره عالي نسبيا

DSL-2740U

503 جنيه من كومبيو مي

  • بيغطي مساحة أكبر
  • سرعةرفع وتحميل عالية
  • سعره عالي نسبيا

راوترات TP-Link

البعض ممكن يسألنا عن أشهر راوترات السوق المصري…وأكثرها مبيعا وانتشارا وفى كل بيت في مصر تقريبا.. الإجابة على السؤال ده هاتكون هي راوترات TP-LINK. والحقيقة ان تي بي لينك قدرت تحقق انتشار ونجاح كبير في السوق المصري.

الجدول ده بيعرفنا الموديلات اللي رشحتها لنا ياقوطه واسعارها ومميزاتها وعيوبها.

الموديل

السعر

المميزات

العيوب

AC1900

3860 من رايه

*تغطية واسعة جدا لنطاق تغطية الشبكة

*بيغطي مجموعة حديثة وجديدة للواي فاي

*يمكن عمل اكثر من جهاز على الشبكة في نفس الوقت بدون مشاكل

*مزود بأبليكيشن لادارة الراوتر من الموبايل

*ممكن نشارك الملفات المهمة والطابعة من خلال الراوتر.

سعره مرتفع جدا

AC750

1298 من جوميا

*سرعة انترنت ممتازة

*تغطية واسعة جدا للشبكة

سعره مرتفع نسبيا

D5 1200

1900 من سوق دوت كوم

*انتشار متوسط للشبكة

*السوفت وير متميز

*فيه خاصية قفل ضد لعب الأطفال

سعره مرتفع

شكله مش محبب قوي

Lite N

357 من راية شوب

سعره رخيص

شكله حديث وعصري

بيدعم احدث بروتوكولات الاتصال بالأنترنت.

تغطية الشبكة ضعيفة

N GIGABIT

999 من راية شوب

*ممكن يوزع الأنترنت من شبكات ثري جي

سعره مرتفع نسبيا

شكله مش محبب للنفس

TD W8151 N

258 من جوميا

سعره رخيص

توزيع الشبكه ضعيف

شكله مش محبب للنفس

وبكده يكون عرضنا للموديلات الحديثة من الراوترات الاسلكية انتهي.. ياريت تقولولنا رايكم والأنواع اللي بتفضلوها.

زر الذهاب إلى الأعلى