لأكل صحي ولذيذ: أفضل الشوايات وأدوات الشوي على ياقوطة
كتب: فريق الموقع
سواء على الشط في الساحل.. أو في جنينة الفيلا.. أو حتى في حديقة عامة أو في مطبخ متر في متر.. شوي اللحوم مش بس حكر على طبقات معينة. لأنه بالأساس هواية و (غية) أكتر منها أي حاجه تانيه. بالتالي عزيزي القارىء الموضوع ده مش للقارىء العادي. ده للقارىء صاحب المزاج اللي مش عاوز يعمل اوردر من أبو شقرة. وعاوز يستل السكينة والهواية ويقابلنا عند شوايات اللحوم والدجاج والأسماك علشان نعمل عزومة مالهاش زي. وفي نفس الوقت نرفع هرمونات السعادة بمزيج من روايح الدهون واللحوم والشحوم في موضوعنا عن الشوايات ومستلزماتها اللي لازم تبقى موجودة في كل بيت.
ده موضوع بيخاطب حب الشوي عندكم. الشوي اللي مش بيحلى غير مع العيلة أو الصحاب، خاصة مع اقتراب موسم عيد الأضحى. الموسم اللي الكل بيشاور عقله فيه انه يطلع الشيف شربيني اللي جواه ويبدأ يشوي.
ولأننا يهمنا تشتروا الشواية ومستلزماتها، ياقوطة هتقولك على أفضل الشوايات ومستلزماتها في ٢٠٢٣ ولو عجبك أي حاجة من اللي هنستعرضها وحبيت تشتريها تقدر تطلبها من خلالنا وهتوصلك في أسرع وقت.
بنفكرك إنك ممكن تشتري الشواية ومستلزماتها من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
Farhan شواية فحم حديد من فرحان 43 كجم
- الناس المحترفة في عالم الشواء، بتقول أن نوع الشوايه عليه ٥٠٪ من جودة الشواء، الـ ٥٠٪ التانيه لها علاقه بالتتبيلة وطريقة الشوي
- لما ييجي الأمر للشواية وحجمها وقدرتها على توزيع النار على مساحة الشوي. تعتبر الشواية دي من أفضل الشوايات اللي اتعاملنا معاها
- الشواية مثالية للأماكن الكبيرة الواسعة. زي الحديقة مثلا. بس هاتحتاج طريقة تهوية أو شفاط قوي علشان تتخلص من الدخان المستمر اللي هايخرج من الشواية.
- الميزة في الشواية هي مساحتها الكبيرة. وده يعني انك تقدر تحط عليها كمية كبيرة من المشويات. كمان وزن الشواية ممتاز علشان تحمل كمية كبيرة من الفحم بدون مشاكل.
- الميزة في الحجم الكبير والوزن التقيل. أنها بتشيل كمية فحم كبيرة وتستحمل التقليب والتحريك. لكن العيب أن الشواية مش هاتكون مناسبة للنقل من مكان لمكان بسهولة. ويستحسن تكون الشواية ثابتة في البيت أو الحديقة منغير ما تفكر في نقلها طول الوقت.
شوف Farhan شواية فحم حديد من فرحان 43 كجم
Kenwood شوايات كهربائية كينوود صحية
- لو انت من الناس اللي مش هاتشتري الشواية اللي فاتت علشان حجمها ووزنها الكبير. تبقى الشواية دي هاتكون المناسبة لك.
- الناس اللي بتحب الأكل الصحي وعاوزه تشوي الأكل بدون مشاكل كتير. شواية كينوود هاتكون المناسبة لهم. لأنها بتيجي بحجم ووزن مثالي.
- مش بس كده. الشواية بتشتغل بالكهرباء يعني وداعا لمشاكل توفير الفحم وتوليع النار. وما الى ذلك من مشاكل كتير بتظهر مع شوايات الفحم
- هل فيه عيوب؟ طبعا. نفس المميزات هي نفس العيوب! يعني لو عندك مشكلة مع حجم الشواية الصغيرة نسبيا. أو لو من الناس اللي عاوزه تحصل على نتائج شواء سريعة. في الحالة دي ننصحك باستعمال الشواية الفحم. ناهيك عن استخدام الكهرباء المتزايد
- لكن من ناحية تانيه تعتبر شواية كينود أرخص بكتير في السعر وتعتبر ممتازة كقيمة مقابل سعر. ومش عاوزين ننسى أنها شواية صحية للناس اللي بتعمل دايت وعاوزه تقلل كمية الدهون في أكلها وتحصل على أكل شهي وصحي وسريع في نفس الوقت.
شوف Kenwood شوايات كهربائية كينوود صحية
Bosch شواية كهربائية 2000 وات
- لسه مع عالم الشوايات الكهربائية. شركة Bosch من الشركات اللي بتقدم منتجات بخامات ممتازة وأسعار مناسبة في نفس الوقت
- لازم نعترف أن سعر شواية Bosch مش أحسن حاجه على أساس أنها شواية كهربائية. لكن في المقابل بتحصل على أهم ميزة بتقدمها الشواية الكهربائية: السهولة والعملية في كل حاجه.
- سواء عاوز تشوي على الشط أو في المطبخ في البيت أو في الجنينة. شواية بوش هي الشواية القابلة للحمل والنقل في أي مكان
- سواء عاوز تاخدها معاك في العربية لأي مكان. أو عاوز تنقلها جوه البيت من مكان لمكان. كل اللي هاتحتاجه هو مصدر كهرباء علشان تنقل الشواية من مكان لمكان. وتستمتع بيوم طويل من الشوي والانبساط
شوف Bosch شواية كهربائية 2000 وات
ماكينة تحضير برجر مزدوجة
- لو بنتكلم عن الشوي.. يبقى البرجر هايكون له نصيب الأسد من كلامنا. لأن البرجر المشوي هو الأكلة الاحلى للكبار والصغار على حد سواء.
- ولما نتكلم عن الناس اللي بتحب الشوي وواخداه مزاج، هما نفسهم الناس اللي بتحب تعمل كل حاجه بايدها. ومن هنا بتيجي اهمية أداة تحضير البرجر.
- أحلى مافي اداة تحضير البرجر هي قدرتها على تحويل اللحم المفروم العادي لشرائح برجر. بالتالي تقدر تحول اللحمة بتاعتك -اللي بتكون من مصدر مأمون- للبرجر اللي بيحبه الأطفال، بدون ما تضطر تشتري برجر جاهز غالي السعر أو من مصادر انت مش متأكد منها
- حاجه كمان كويسه جدا في أداة صناعة البرجر، هي أنها بتعمل شريحتين برجر في نفس الوقت. وده معناه توفير أكبر في الوقت والجهد. خاصة لو عاوز تعمل شرايح برجر لعدد كبير من افراد العيلة أو الاصحاب.
- كقيمة مقابل سعر تعتبر ماكينة تحضير برجر أكثر من رائعة. والأحلى أنها خفيفة وجميلة وسهلة التنظيف في ثواني معدودة. وأخر ميزة فيها هي أنها بتعمل البرجر بالشكل المميز بتاعه من أعلى وأسفل وده بيخليه أسهل في الشوي وأحلى في المذاق. وهو المطلوب اثباته.
شوف عروض الزباديماكينة تحضير برجر مزدوجة.
عدد 100 قطعة اسياخ بامبو للشوي سميك
- لا يا عزيزي القارىء.. اسياخ البامبو مش هي اللي بتسلك بيها أسنانك بعد الأكل.. دي الأسياخ اللي بنضع فيها الكفتة علشان نشويها
- الميزة في اسياخ بامبو أنها سميكة يعني تستحمل أي كمية لحوم تضعها عليها. كمان مش سهلة الحرق زي ما بنشوف في أسياخ تانيه
- الميزة التانيه في اسياخ بامبو أنها أمنة الاستخدام. يعني تقدر تضعه اللحم بتاعك عليها بدون ما تخاف من أي تأثيرات ضارة
- السعر المنخفض نسبيا لأسياخ البامبو يخليك تستغنى عنها بسهولة بعد الشوي، كمان هي سهلة التخزين في أي مكان في البيت ومش بتتلف بسرعة وتعتبر قيمة جيدا جدا مقابل المال
شوف عدد 100 قطعة اسياخ بامبو للشوي سميك.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

