تعرفوا على سعر ومواصفات Nikon COOLPIX P1000 Digital Camera
كتب: فريق الموقع
ممكن تسأل نفسك، ايه يخليني أشتري كاميرا تصوير احترافية، بينما أقدر أصور بالموبايل بتاعي. لكن في الحقيقة التصوير بالكاميرات المحترفة له مزايا كتير، مش بيحس بيها غير المحترفين اللي واخدين التصوير مهنة، أو الهواة اللي عاوزين ياخدوا صور بدقة أعلى بكتير من دقة الصور الملتقطة بالموبايل. وهنا بييجي دور كاميرا Nikon COOLPIX P1000 Digital Camera واللي بتقدم زووم قوي جدا، يكاد يكون أقوى زووم شوفناه على كاميرا احترافية من فترة طويلة جدًا. وده اللي بيخلي سعر الكاميرا أزيد من كتير من منافسيها، أنها تعتبر الخيار رقم ١ لمحبي تصوير الحياة البرية زي الحيوانات في بيئتها الطبيعية، وكمان محبي تصوير الظواهر الطبيعية زي القمر أو النجوم. وده واضح من المود داخل الكاميرا، أنهم مخصصين مود لتصوير القمر ومود لتصوير الطيور.
هانتعرف مع ياقوطة على أهم المواصفات الفنية للكاميرا وأهم مميزاتها وعيوبها ولو الكاميرا عجبتك هتقدر تطلبها من خلالنا في ياقوطة ودلوقتي مع شهري، تقدر تشتري أي كاميرا أو مستلزماتها بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
مواصفات Nikon COOLPIX P1000 Digital Camera
- عدسة NIKKOR مقاس 24-3000 مم (مكافئ 35 مم)
- نطاق الفتحة: f / 2.8-8
- مستشعر BSI CMOS بدقة 16 ميجابكسل
- معالج الصور EXPEED
- تقريب Zoom يصل الى 125X Optical zoom وحتى 600X Digital zoom
- شاشة 3.2 انش LCD متغيرة الزاوية
- تسجيل فيديو بدقة 4K UHD
- خاصية SnapBridge عبر Wi-Fi أو Bluetooth
- الأوضاع التلقائية ، والفتحة ، والمصراع ، والتصوير اليدوي
مميزات Nikon COOLPIX P1000 Digital Camera
- مستوى الزوم في الكاميرا أكتر من رائع. وحقيقي هاتحس باندهاش من قدرة الكاميرا على عمل زوم بمسافات كبيرة بدون تأثير على الجودة النهائية للصورة.
- القدرة على تحريك وتغيير وضع الشاشة. بيخلي المُصور عارف يتأقلم مع سيناريوهات تصوير، هايكون صعب ينفذها لو بيشتغل بكاميرا شاشتها ثابتة غير قابلة للحركة.
- كاميرا Nikon COOLPIX P1000 Digital Camera بتيجي مع فلاش مُدمج فيها، بيخرج من فتحة جانبية في التصميم، وبيعمل ضوء ممتاز علشان اللقطات في الظلام الدامس. المميز في الفلاش هنا أنه مش بيخلي الصور فيها اللسعة المشهورة بتاعة الفلاش، يعني بيعمل اضاءة متزنة ومتوزعة كويس على الكادر.
- الكاميرا بتيجي مع مساحة اضافية لتركيب ميموري اضافي، وممكن يركب مكانها مايكروفون. دي ميزة رائعة للناس اللي عاوزه تستخدم الكاميرا في صناعة محتوى للسوشيال ميديا.
- الكاميرا بتيجي مع زر اضافي لتحكم أفضل في الزوم، يناسب الناس اللي بتستخدم الكاميرا بيدها اليمين أو الشمال
- الكاميرا بتدعم التصوير بنمط Raw وده نمط بيجمع معلومات أكبر من الصورة، بالتالي بيعطي المصور القدرة على التعديل على الصورة بكفاءة أعلى لما يشتغل على برامج التصميم وتعديل الصور.
- متعودين من الكاميرات المتخصصة أكتر في تصوير الصور الثابتة. أن تصويرها لمقاطع الفيديو يكون ضعيف. لكن مع Nikon COOLPIX P1000 Digital Camera بتقدر تصور فيديو بجودة 4K ودي جودة ممتازة.
- دايما نقل الصور من الكاميرا للكمبيوتر بيكون عملية شاقة وبيحتاج وجود كابلات ووصلات. لكن مع Nikon COOLPIX P1000 Digital Camera تقدر تنقل الصور من خلال الواي فاي أو البلوتوث. الناس اللي بتعمل سيشنز تصوير كتير بره البيت هاتحب الميزة دي علشان تقدر تفضي مساحة التخزين المحدودة نسبيا في الكاميرا وتعيد استخدامها بسرعة.
- الكاميرا بتيجي مع أبليكيشن على الموبايل بيجعلنا قادرين نتحكم فيها تحكم كامل. وده رائع لصناع المحتوى اللي عاوزين يثبتوا الكاميرا على حامل، ويستعملوها لتصوير نفسهم بدون تدخل من أشخاص تانيه.
عيوب Nikon COOLPIX P1000 Digital Camera
- حجم الكاميرا ضخم نسبيا. وده يخليها مش مناسبة في أوقات كتير للحمل لفترات طويلة. وممكن تضايق الناس اللي حجم كف ايدها صغير أو مش بتحب تتحرك مع كاميرا بوزن تقيل. بالتالي المستخدم هايكون مجبر على استخدام الكاميرا على حامل، ولما يشتري الحامل لازم يختار اللي خامته كويسه علشان تستحمل الوزن الثقيل.
- سعر الكاميرا غالي نسبيا. بس ده مفهوم الى حد ما بما أنها بتستهدف فئة خاصة من المصورين، هم المتخصصين في تصوير المناظر الطبيعية والطيور زي ما قولنا
- مع ارتفاع سعر الكاميرا وزيادة مواصفاتها الفنية. كنا نتوقع أنها تيجي مع دعم استخدام الشاشة باللمس. لكن ده مش موجود. على كل حال كتير من المصورين المحترفين متعودين على التعامل مع الشاشة بدون لمس. لكن لو كنت من اللي بيهتموا بالنقطة دي. هاتحس بالعيب ده.
اتعرف على عروض أسعار Nikon COOLPIX P1000 Digital Camera من هنا.
اتعرف على عروض أسعار مختلف كاميرات Nikon المتوفرة على ياقوطة من هنا.
اتعرف على عروض أسعار مختلف أسعار الكاميرات المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

