مقالات موقع Yaoota

أفضل أجهزة البث التليفزيوني

قراءة سهلة

تخيل لو تقدر تعمل Playlist من برامجك وأفلامك ومسلسلاتك وأغانيك المفضلة، وتعرضها من Youtube أو Dailymotion أو Netflix ومئات غيرها من المواقع والتطبيقات وتعرضها على التليفزيون الخاص بك. عالم كامل من الترفيه ومتابعة الأخبار وغيرها ممكن تكون تحت أمرك على مدار الساعة وبدون فواصل أو إعلانات. البعض مش عارف إنه يقدر يعمل ده فعلا باستخدام أجهزة بسيطة ومتفاوته في السعر. هانستعرضها معاكم من خلال الموضوع ده.

تعريف أجهزة البث التليفزيوني

هي أجهزة صغيرة بتعمل على التوصيل بين التليفون الذكي Smart Phone وبين التليفزيون الذكي Smart TV بحيث يتم تشغيل مقاطع الفيديو من عدد كبير من المواقع والخدمات مباشرة على شاشة التليفزيون. وبيتم توصيل أجهزة البث من خلال منافذ HDMI أو USB حسب تصنيع كل وحدة بث.

طريقة تركيبها وتشغيلها

وعلى الرغم من سهولة تركيب وتشغيل كافة الأجهزة اللي بالشكل ده. لكن الموضوع ببساطه عبارة عن توصيل قطعة البث بالتليفزيون من خلال وصلة HDMI، بينما بيتم توصيل الجهاز بمصدر للكهرباء ممكن يكون مصدر كهربائي، أو من خلال تغذيته بالكهرباء من سلك USB. وفى الغالب بيأتي كل جهاز بكافة السلوك والوصلات الخاصة به يعني مش هاتحتاج تشتري حاجه إضافيه.

الفرق بينها وبين Smart TV

الفرق الرئيسي بين أجهزة البث التليفزيوني وبين التليفزيونات الذكية بيتمثل في السرعة والتخصص. يعني اللي بتعمله الأجهزة دي يعتبر ميزة واحدة من ضمن مميزات كتيرة بتقدمها التليفزيونات الذكية، علشان كده بتقدمها بتميز وبشكل أسرع بكتير من معظم الأجهزة الذكية اللي في السوق. ولما بحثنا عن أراء معظم المستخدمين وجدنا أن معظمهم بيرشح وجود جهاز بث مستقل مع التليفزيون الذكي لتسهيل تشغيل الفيديوهات من الإنترنت بشكل أسرع وأكتر احترافيه.

وبشكل عام الناس اللي بتشتري أجهزة البث التليفزيوني بتنقسم لنوعين:

  1. نوع من الناس عندهم تليفزيون ذكي، ودول بيكونوا عاوزين نفس الخصائص اللي بتوفرها التليفزيونات الذكية لكن بشكل أسرع وأكثر احترافية وأكثر تخصصاً من البرامج المرفقة مع التليفزيونات الذكية.
  2. نوع من الناس ما عندهاش تليفزيون ذكي، وفى الحالة دي بتعتبر أجهزة البث التليفزيوني بتقوم بنفس الوظيفة الخاصة بالتليفزيون الذكي لكن في نفس الوقت بسعر أرخص بكتير، وبشكل أسرع وأكثر احترافية وبدون تكلفة زايده.

أسئلة ما قبل الشراء

قبل ما نشتري جهاز بث لازم نسأل نفسنا بعض الأسئلة المهمة علشان نحدد هل احنا فعلا محتاجين جهاز بث؟ ولو الإجابة بنعم، نشتري أي نوع بالظبط؟

  • هل عندي هاتف ذكي/تليفزيون ذكي؟

بدون وجود تليفزيون وهاتف ذكي، شراء وحدة بث هايكون مجرد إهدار للوقت والفلوس، علشان الأجهزة دي مش بتشتغل غير على الأجهزة الحديثة الذكية، ومش بتستخدم غير التطبيقات الحديثة. حتى بعض الأنواع صينية الصنع اللي ممكن تشتغل على التليفزيونات الأقدم مش بتكون قوية ومش بتقدم أداء مرضي للمشترين.

  • هل عندي Iphone؟

مستخدمي أيفون ممكن يجدوا في جهاز Apple TV الحل المثالي كوحدة بث للتليفزيون. فعلى الرغم من ارتفاع سعره لكن درجة التوافق بينه وبين أجهزة أبل سواء الأجهزة اللوحية Ipad أو الهواتف الذكية Iphone بتكون مميزة وبتقدم تجربة رائعة.

  • كم الميزانية المخصصة لشراء الجهاز

وطبعا غني عن التعريف أن سؤال الميزانية من أهم الأسئلة اللي لازم نحددها قبل ما ناخد خطوة الشراء علشان موضوع الميزانية بتحدد في النهاية أي مستوى من الأجهزة هانقوم بشرائها.

أنواع أجهزة البث

بتنقسم أجهزة البث التليفزيوني لنوعين رئيسيين:

الأول: هي الأجهزة التابعة لشركات كبيرة أو براندات عالمية، زي Chromecast و Apple TV

الثاني: هي الأجهزة التابعة لشركات أصغر أو أسماء أقل زي Anycast

وممكن نلخص مميزات وعيوب كل نظام من الأنظمة دي من خلال جدول المقارنة التالي:

النظام

المميزات

العيوب

Apple TV

–نظام مشهور ومن شركة مميزه.

–أداء سريع بدون مشاكل.

–تصميم عصري وفريد من نوعه

–مزود بريموت كنترول خاص.

–سهولة في التركيب والتشغيل.

-يمكن مشاهدة برامج التليفزيون

-يمكن عرض الصور والفيديوهات على التليفون على الهاتف

–سعر مرتفع.

–متوافق مع أجهزة أبل فقط.

-بعض امكانياته محدودة على أمريكا فقط

Chromecast

-نظام مشهور ومن تصميم جوجل

-متوفر منه اصدار قديم وإصدار أحدث

-سعر جيد مقارنة بامكانياته

-متوافق بنسبة100 % مع يوتيوب

-يعرض فيديوهات ويشغل أيضا ألعاب

-سهل جدا في التركيب والتشغيل

-متوافق مع كل أجهزة التليفون

-متوافق مع عدد ضخم من البرامج

-بعد وقت من تشغيله ممكن يبقى أبطأ شويه.

-ليس له ريموت كنترول مستقل

-لا يمكن عرض الصور والفيديوهات من التليفون الذكي للتليفزيون مباشرة. لازم يتم رفعها على google images أولاً

Anycast

-تصميم جميل وأنيق

-سهولة في التركيب والتشغيل

-سعر منخفض

-متوافق مع كل أنظمة التشغيل

-تعتبر صناعته غير أصلية مقارنة بباقي الأنظمة

-لا يوجد له ريموت كنترول مستقل

-بعد وقت من التشغيل ممكن يتوقف تماما عن العمل

-لا يمكن عرض الصور والفيديوهات من التليفون الذكي للتليفزيون مباشرة. لازم يتم رفعها على google images أولاً

ودلوقت وبما اننا استعرضنا الأجهزة وعيوبها ومميزاتها. تعالوا نتكلم عن كل نظام وترشيحات ياقوطه لنا فيما يتعلق به.

Apple TV

بالنسبة لأبل تي في، وجدنا ياقوطه عارضه لنا مجموعة من الاختيارات بدايتها مع Apple TV 32GB والمتاح في أي شوب بسعر 4299 أما طراز 64 جيجا من نفس الجهاز فكان متاح في أي شوب بسعر 5699 وفى تريد لاين بسعر 5899.

أما بالنسبة لتفضيلاتنا فبنقترح عليكم طراز 64 جيجا لأن حجمه أكبر من حيث القدرة على التخزين، لكن في المقابل سعره أعلى.

أما لو عندكم أبل تي في ومحتاجين فقط الريموت كنترول الخاص بيه، هتلاقوه بيباع بشكل منفرد في تريد لاين مقابل 1999

قبل ما نترك منطقة أبل تي في. سألنا أصدقائنا اللي بيحبوا الأجهزة دي. وزي ما توقعنا كانت الإجابة واحدة من الكل تقريبا. الجهاز مثالي وممتاز، لكن لا يعيبه سوى ارتفاع سعره وأن بعض إمكانياته غير متاحه غير للمواطنين في الولايات المتحدة الأمريكية.

Anycast

أما اللي مالهمش طلبات خاصة وعاوزين فقط يشغلوا فيديوهات يوتيوب على أجهزة التليفزيون عندهم. بننصحهم في الحالة دي بشراء Anycast والمتوفر بالأسعار التالية حسب ترشيحات ياقوطه

بسعر 525 ممكن تشتري ايني كاست من سوق دوت كوم ومتاح أيضا في جوميا بسعر 590 جنيه وكمان موجود بسعر 420 جنيه فى جوميا.

محمد الوكيل اللي شغال في أحد شركات السياحة. أستعمل جهاز Anycast علشان يربط التليفزيون السمارت اللي حاطه في واجهة شركته بتليفونه. وبكده أصبح عنده وسيلة سهلة وسريعة لعرض إعلانات تنشيط السياحة من يوتيوب على العملاء بتوعه، والتحكم في مستوى الصوت وتنوع الفيديوهات بدون وجود أي أسلاك أو مشاكل.

محمد بيشكر جدا في نظام Anycast وقال لنا أنه بيدور على قطعه تانيه بسعر مناسب علشان يركبها على تليفزيون المنزل علشان يتفرج على أي فيديو على يوتيوب بسهولة.

زر الذهاب إلى الأعلى