أهم مميزات وعيوب ساعة سمارت 8 الترا المميزة وأهم مواصفاتها الفنية
كتب: فريق الموقع
لما حد يسألنا عن ترشيحاتنا لساعة ذكية، السؤال الأول اللي بنسأله له: انت عاوزها علشان ايه؟ لو عايزها علشان يبقى شكلك شيك وتشوف شوية اشعارات على الشاشة لها علاقة بالموبايل. يبقى السعر العالي مش هايكون له أهمية هنا. لأن السعر بيكون مرتبط بالمواصفات الفنية العالية. أما لو اهتمامك الأساسي بالمواصفات وبتستعملها لمتابعة ادائك الرياضي والبدني، في الحالة دي ممكن تضحي بالسعر وتحصل على ساعة فيها مواصفات عالية. أما لو عاوز حل وسط يقدم لك تصميم جميل ومواصفات مقبولة كل ده بسعر مناسب. اهلا بيك مع ساعة سمارت 8 الترا
الساعة بتيجي بتصميم جميل، وامكانيات متوافقة مع سعرها، وفي رأينا هي الساعة الأفضل للناس الغير متخصصة، يعني اللي مش بتمارس رياضة معينة وعاوزه نمط رياضي معين. وطبعا فيه بعض العيوب اللي لازم نقبل بيها، واللي هانستعرضها في موضوعنا عن الساعة
هنتعرف مع ياقوطة على أهم المواصفات الفنية للساعة وأهم مميزاتها وعيوبها ولو الساعة عجبتك هتقدر تطلبها من خلالنا في ياقوطة ودلوقتي مع شهري، تقدر تشتري أي ساعة أو مستلزماتها بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
مواصفات ساعة سمارت 8 الترا
- دقة حجم الشاشة: 2.08 انش
- حجم الشاشة: شاشه 49 ملم
- المستشعرات متابعه ( تخطيط القلب + ضغط الدم الأكسجين)
- خصائص اخرى: مراقبة درجة حرارة الجسم والجوال بتقنية البلوتوث و التدريب على التنفس و قياس درجة حرارة الجسم وتحليل الإجهاد
- خصائص الدفع: خاصية الدفع Wechat/Alipay (قد لا تعمل في كل الدول)
- الة حاسبة: يوجد
- خاصية حماية بكلمة مرور: موجود
- الساعة تدعم مكالمات بلوتوث
- البطارية: بطارية 300 مللي امبير في الساعة
- مستوى مقاومة الماء: مقاوم للماء بدرجة IP67
- متطلبات النظام Android 5.0 فما فوق/ iOS 10.0 فما فوق
- الذاكرة: 128 ميجابايت
- اللون : اسود واورنج
مميزات ساعة سمارت 8 الترا
- تصميم الساعة حديث جدا ومقاربه لسلسلة Ultra الجديدة من أبل. مع فرق ضخم في السعر
- كقيمة مقابل سعر تعتبر الساعة صفقة رابحة جدا ونرشحها كهدية للشباب في أعياد الميلاد أو عند النجاح
- دعم اجراء المكالمات من خلال البلوتوث كانت ميزة مش موجودة في الفئة السعرية دي خالص
- مقاومة للماء وبتيجي مع مستشعرات قياس درجة الحرارة وباقي قياسات الجسم الحيوية
- الشاشة بتستحوذ على مساحة كبيرة من تصميم الساعة بالتالي بتوفر تحكم افضل في عناصرها
- الساعة بتقدم قياسات لها علاقة بتتبع الدورة الشهرية للنساء
- القدرة على متابعة التمارين الرياضية والاداء البدني لمعظم التمارين الرياضية المتعارف عليها
- ذاكرة الساعة كبيرة وتستحمل تحميل تطبيقات كتير او حتى تخزين الاغاني وملفات البودكاست لسماعها
عيوب ساعة سمارت 8 الترا
- بعض المستخدمين اصحاب هواتف ايفون اشتكوا من عدم قدرتهم ربط الساعة بهواتفهم بسهولة
- القياسات الحيوية اللي بتقدمها الساعة ماتصلحش لاتخاذ اجراءات طبية على أساسها. ولازم في الحالة دي يتم استعمال أجهزة طبية متخصصة.
- مفيش معلومات واضحة عن بطارية الساعة وقدرتها على الاستمرار في العمل لعدد ساعات أو أيام محددة. كل المتاح هو حجم البطارية فقط
- أكتر من مستخدم اشتكى من استجابة الساعة للأوامر أو اللمس ونلاحظ أنها مش زي الساعات من الشركات الكبيرة زي أبل.
- التصميم البراق للساعة في ايد المستخدم. مش معناه ان المواد المصنوعة منها قوية أو بتدوم لوقت طويل. بالتالي المستخدم لازم ياخد باله اثناء استخدام الساعة
- الشاشة مش بتيجي بطبقة حماية اضافية. بالتالي المستخدم إما يستعمل طبقة حماية للشاشة أو يستعملها بحذر لأنها هاتكون عرضة للكسور
- على الرغم من دعمها للغة العربية لكن نوع الفونت العربي المستخدم على الساعة مش مريح للمستخدم
- خدمات ما بعد البيع والصيانة والدعم لا تزال تحت الاختبار وماعندناش معلومات كتير مؤكدة عنها
- بنلاحظ بعض البطء في الاداء. بنضطر نستنى شوية بين الامر والاستجابة
- لا تدعم الساعة تشغيل شريحة محمول. بالتالي يظل استخدامها مقترن بوجود التليفون بالقرب منها
- الساعة مش بنلاقي فيها بعض مميزات ساعة Apple watch ultra زي الاتصال بالأقمار الصناعية في حالات الطوارىء، أو خاصية التتبع المكاني اللي بتكون مفيدة للمستخدمين في رحلات السافاري
اتعرف على عروض أسعار ساعة سمارت 8 الترا من هنا.
اتعرف على عروض أسعار مختلف ساعات Generic المتوفرة على ياقوطة من هنا.
اتعرف على عروض أسعار مختلف أسعار الساعات الذكية المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

