مراجعة لابتوب لينوفو Legion Y520
على الرغم من وجود أجهزة متخصصة في مجال الألعاب زي بلاي ستيشن أو أكس بوكس أو غيرها من الأجهزة اللي بتقدم تجربة ألعاب مختلفة ومميزة وممتعة، لكن على الرغم من قوة الأجهزة دي إلا أنها ممكن يكون سعرها مرتفع على كتير من المستخدمين، خاصة أنها أجهزة مخصصة في المقام الأول والأخير للألعاب فقط.
لكن كتير من المستخدمين بتحب تشتري لابتوب مخصص للألعاب بالمقام الأول، علشان بيكون أمكانياتها عالية وفي نفس الوقت الأجهزة دي ممكن تشتغل بأي شكل تاني مش بس للألعاب، بالتالي وبشكل أو بأخر سعر الأجهزة دي بيكون فيها، والمستخدم بيحس ساعتها أنه بيدفع مبلغ كبير في جهاز متكامل مش بس جهاز ألعاب.
لينوفو تعتبر من الشركات اللي بتقدم أجهزة لابتوب بأمكانيات عالية، ومن بينها Y520 واللي بتؤكد فيه لينوفو على أنها مخصصة الاب توب ده لمحبي الألعاب، بداية من شكل الجهاز الخارجي وحتى مواصفات الجهاز نفسه. تعالوا نتعرف على لينوفو Legion Y520 عن قرب.
مواصفات لابتوب لينوفو Legion Y520
- معالج الابتوب من نوع Intel ومن فئة Core I7
- الإصدار الرسمي من الابتوب بييجي معاه نسخة Windows 10 من اصدار Home لكن في النسخة المصرية بيتم بيع الابتوب بدون نسخة ويندوز أصلية لتقليل السعر، وبييجي الابتوب مع نسخة من نظام التشغيل DOS
- كارت الشاشة الخاص بالابتوب من فئة GeForce® GTX 1050 Ti ومن نوع NVIDIA®
- الاب توب فيه فتحتين للرامات بتستوعب كل واحده بطاقة رامات تصل الى 8 جيجا بايت بالتالي ممكن نوصل بالابتوب حتى 16 جيجا رامات، وهي دي الرامات اللي بيأتي بيها الابتوب.
- ذاكرة الابتوب 1 تيرا بايت.
- نظام الصوت مكون من 2 سماعة معتمدة بتكنولوجيا ™Harman بقدرة 2 وات مع تكنولوجيا الصوت Dolby Audio™ Premium
- شاشة الجهاز شاشة عالية الوضوح بالكامل FHD 15.6 بوصة (1920 × 1080) بأبعاد 16:9؛ IPS؛ مضادة للتوهج
- أبعاد الجهاز 380 ملم × 265 ملم × 25.8 ملم ووزن الجهاز حوالي 5.3 رطل (حوالي2.5 كيلو جرام)
- الجهاز بيتصل بالأنترنت من خلال شبكات الواي فاي وبيتصل بالأجهزة الثانية من خلال شبكات البلوتوث.
- منافذ الجهاز عبارة عن 2 منفذ يو اس بي 3.0 ومنفذ واحد يو اس بي 2.0 ومنفذ واحد يو اس بي 3.1 من النوع C ومنفذ واحد HDMI لتوصيل الابتوب بشاشات التليفزيون مع قارىء بطاقات 4 في 1
- بطارية الابتوب عبارة عن بطارية ليثيوم بوليمر بقدرة 45 وات/ساعة وهي بطارية مكونة من 3 خلايا.
- الابتوب بييجي مع مجموعة من البرامج مسبقة التحميل زي Power2Go و PowerDVD و Microsoft Office 2013 و Lenovo Companion و Lenovo Nerve Sense و Magic Y Key و Lenovo OneKey Recovery
مميزات لابتوب لينوفو Legion Y520
- معالج الابتوب متميز وقوي وبيقدم أداء متطور وسلس خاصة في لعب الألعاب الالكترونية.
- كارت الشاشة الخاص بالجهاز قوي ومصمم لممارسة الألعاب الالكترونية وتقديم تجربة ممتازة خاصة مع الألعاب الكبيرة واللي بتطلب إمكانيات عالية.
- رامات الجهاز 16 جيجا بايت من أكبر رامات أجهزة اللابتوب اللي شوفناها واللي بتعد بتقديم أداء رائع خصوصا لما بتتكامل مع المعالج القوي والهارد ديسك الواسع.
- هارد ديسك الجهاز 1 تيرا بايت بيخلي المستخدم يقدر يخزن ملفات كبيرة سواء كانت أفلام أو ألعاب أو أي ملفات تانيه من اختيار المستخدم.
- حجم الشاشة ونوعها مناسب جدا للألعاب ومريح للمستخدم في نفس الوقت
- بطارية الجهاز بتدوم لوقت طويل مقارنة بأداء الجهاز
- الجهاز فيه مجموعة مميزة من المداخل واللي بتقبل توصيل أجهزة وشواحن مختلفة.
عيوب لابتوب لينوفو Legion Y520
- الجهاز مش بيأتي معاه نظام تشغيل أصلي وده بيكلف المستخدمين مبلغ إضافي لشراء نظام تشغيل أصلي.
- وزن الابتوب يعتبر تقيل نسبيا ولا يعتبر جهاز مناسب للحركة والتنقل من مكان لمكان
- سعر الجهاز يعتبر غالي جدا مقارنة بباقي الأجهزة اللي بتتباع في السوق.
- على الرغم من أنه جهاز مخصص للألعاب لكن مش بيأتي معاه أي أسطوانات أو تخفيضات على الألعاب الالكترونية.
- اللابتوب مش بيأتي معاه أي كماليات زي الماوس أو الكيبورد المنفصلة أو حتى سماعات للرأس، ولازم يتم شراء أي كماليات للجهاز بشكل منفصل.
تجربة استخدام لابتوب لينوفو Legion Y520
المميز في الابتوب انه مخصص للألعاب الالكترونية، بالتالي بيأتي بمواصفات عالية جدا علشان يستحمل تشغيل الألعاب القوية والثقيله. لكن الجميل أن الابتوب مش ناسي أن ممكن ناس تانيه تستعمله لاستعمالات تانيه علشان كده بيقدم عدد كويس من المخارج والمداخل ونظام صوت مميز.
لكن من ناحيه تانيه الجهاز مش بيأتي معاه نظام تشغيل أصلي، وعلى الرغم من ارتفاع ثمن الجهاز بشكل كبير كنا نتوقع أن يكون معاه أسطوانة ويندوز أصلية أو Pre installed windows على الجهاز. كمان كنا بنتوقع وزن أخف للابتوب علشان يكون أسهل في التنقل من مكان للتاني
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

