مقالات موقع Yaoota

The Last of Us Part II

قراءة سهلة

سنة ١٩٨٤ تأسس ستوديو ألعاب Naughty Dog برأس مال قليل وجهود فردية من الصديقين آندي جافن وجيسون روبن. استحوذت سوني على الاستوديو في ٢٠٠١ بعد ما شافت الألعاب العظيمة اللي بتخرج من تحت ايدهم. من هنا تم تقديم واحدة من أحلى وأقوى سلاسل ألعاب بلاي ستيشن في العالم، وهي السلسلة الحصرية Uncharted. بالتالي لما قدم نفس الاستوديو لعبة The Last of Us وبعدها The Last of Us Part II .. كان لازم يكون لنا وقفة وتقييم للعبة اللي تعتبر من أحلى ألعاب بلاي ستيشن الحصرية.

هانتعرف مع بعض من خلال المقال ده على The Last of Us Part II وقصتها، وازاي تقدر تحقق تقدم كبير فيها بشكل سريع، وتستمتع بلعبها للحد الأقصى.

ماتنسوش إنكم لو قررتوا تشتروا The Last of Us Part II هتقدروا تطلبوها من خلالنا في ياقوطة وهيوصلكم لحد باب البيت وكمان تقدروا تشتروا The Last of Us Part II دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

https://yaoota.com/ar-eg/product/the-last-of-us-part-ii-ps4-price-from-egy-gamer-egypt

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق. *المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

The Last of Us بتحكي عن العالم في المستقبل، لما بيقع فريسة وباء غامض (الكلام ده كان قبل انتشار وباء كورونا) والوباء ده بيحول البشر لكائنات زومبي. بنشوف محاولة اتنين من البشر، النجاة بأرواحهم في مغامرة طويلة، بيجدوا نفسهم فجأة في مواجهات مع مليشيات شبه منظمة كونها البشر، بالإضافة لكائنات الزومبي اللي عاوزه تاكل أي حاجه قدامها.

في الجزء الأول، بنشوف بداية القصة، وتطور العلاقة بين بطلتنا (ايلي) ووالدها الروحي (جويل)، وفي الجزء الثاني بنبدأ بأحداث عاصفة بيتم قتل (جويل) فيها، وبالتالي تنطلق (ايلي) في رحلة طويلة للانتقام لروحه. رحلة بتصطدم فيها مع عدوتها اللدود (أبي) اللي بتملك هي كمان مهارات بتمكنها من القضاء على أعدائها ومحاولة سحق (ايلي).

The Last of Us Part II هي لعبة من منظور الشخص الثالث، اللاعب فيها بيتحكم في شخصيات الأبطال الأساسية للعبة. وبيتعلم ازاي يتجول في البيئة المحيطة بيه، ويستفيد من عناصرها ويستخرج منها أسلحة تطور قدراته على القتال، وتعطيه قدرات إضافية وأسلحة يقدر من خلالها يقتل الأعداء ويحقق الانتصار.

الأعداء في The Last of Us Part II منقسمين لنوعين: النوع الأول هم البشر، واللي بنجدهم متفرقين في مجموعة قبائل بدائية، كل قبيلة اتعلمت البقاء والنجاة من الوباء، وحماية نفسها والمنتمين لها بطرق مختلفة. لكن الصراع بين القبائل دي هو اللي بيحرك سيناريو اللعبة للأمام ويخلي أبطالنا في حالة صراع دائم.

النوع الثاني للأعداء هو كائنات الزومبي التقليدية. ودي بنشوفها بتتحرك بعشوائية وغريزتها هي اللي بتتحكم فيها طول الوقت. لكن ده مش معناه أنها عدو ضعيف أو يمكن الاستهانة بيه.

الاختلافات عن الجزء الأول

من أجمل الحاجات اللي تم تطويرها في The Last of Us Part II هي مستوى الرسوميات، ودقة التفاصيل، والتنوع الكبير اللي أصبح موجود في الأسلحة، وارتباطها ببيئة القتال بشكل كبير. كمان تمت إضافة القدرة على تطوير الأسلحة من خلال مواد بيتم جمعها من البيئة أو سرقتها من الأماكن المختلفة وده أضاف متعة كبيرة للعبة.

الذكاء الصناعي للأعداء أصبح أفضل بكتير من الجزء الأول، الأعداء من البشر أصبح عندهم تكتيكات للهجم بتتغير حسب تغير طريقة اللعب. يعني لو اللاعب اعتمد على الاختباء في مكان، هنلاقي الأعداء بيحاصروه ويعملوا له كمين. ولو دخل في مواجهة مباشرة، هايبدأوا ياخدوا حذرهم ويتبادلوا معاه اطلاق النار من بعيد. ودي عوامل ممتعة جدا تضمن بقاء اللاعب لساعات أمام اللعبة.

لكن مع اختلاف طبيعة اللعبة، أصبح فيها بعض الأمور اللي بتخليها مش اللعبة المثالية للاعبين المحافظين أو اللي بيكرهوا مشاهد الدم والقتال بالسلاح الأبيض. علشان كده لازم نلفت نظركم للنقطة دي.

مراحل The Last of Us Part II

زي الجزء الأول، مش بتقدم The Last of Us Part II غير طور القصة بس كطور أساسي لها. كان فيه كلام عن طور لعب جماعي هايتم طرحه قريبا، لكن كل دي لا تزال اشاعات بما أن مافيش تأكيد أو نفي رسمي من ستوديو اللعبة.

لكن، وبما أن The Last of Us Part II مكونة من طور قصة فقط. القصة جميلة جدا، وفيها لحظات إنسانية عظيمة. كمان تيمة الانتقام مكتوبه كويس جدا وتم تنفيذها بطريقة رائعة تخلي كل لاعب له انحيازاته الشخصية ناحية الأبطال، سواء بالكره أو الحب، أو التضامن من عدمه.

الطور الجانبي للقصة هو طور المعارك encounters واللي يمكن من خلاله أن اللاعب يدخل على الجزء اللي فيه معارك علطول بعيدا عن القصة نفسها. الطور ده بيتغير مع استمرار اللاعب في الانتهاء من المراحل. لحد ما يوصل لنهاية اللعبة بيتم فتح كل المعارك، ويتم فتح قسم جديد هو extras واللي يمكن من خلاله تفعيل بعض إضافات بتخلي اللعبة أمتع بكتير.

الاختصارات والهاكات

من خلال Extras يقدر الاعب يختبر حاجات كتير جدا، زي القدرة على قتل العدو بعد ضرب طلقة واحدة فقط عليه. أو التحرك بالسرعة البطيئة أثناء ضرب النار، أو الفوز في الاشتباك بمجرد توجيه ضربة واحدة للعدو. أو حتى الاستمتاع بعدد لا نهائي من الطلقات وعدم التعرض للإصابة لو تم استهدافك.

كل الإضافات دي من شأنها إعادة احياء اللعبة من جديد. بمعنى أننا بعد ما خلصنا طور القصة الأساسي واستمتعنا بيه، رجعنا تاني أكتر من مليون مرة لقسم الـ extras علشان نجرب المعارك بالاضافات الجديدة. وفي كل مرة نضع لنفسنا تحدي جديد للانتهاء من المستويات. ساعتها اعدنا اكتشاف اللعبة مرات ومرات.

بالتالي وعلى الرغم من أنك ممكن تتخيل أن The Last of Us Part II هاتكون لعبة مملة لأن مش موجود فيها غير طور القصة فقط. لكن في الحقيقة أن صناع اللعبة قدروا يضمنوا لنا أيام كاملة من إعادة اكتشاف القصة دي وتغيير السيناريو أكتر من مرة حسب طريقة اللعب. وفي كل مرة كنا بنكتشف حاجات جديدة رائعة بتنقل تجربتنا للأمام بشكل أفضل.

ده مش معناه أن The Last of Us Part II مكانش فيها مشاكل.. المشكلة الأولى هي بطء تحميل اللعبة من الأسطوانة. وأحيانا كنا بنضطر نمسح اللعبة من PS4 تماما ونعيد تنزيل الملفات تاني من الأسطوانة علشان نحل المشاكل. لكن داخل اللعبة نفسها ما صادفناش مشاكل أو توقف مفاجئ. وممكن المشاكل اللي صادفناها يكون لها علاقة بالديسك اللي معانا مش أكتر.

النقطة الثانية هي نمطية بعض أحداث القصة، ودي حاجه مكمله معانا من الجزء الأول، بمعنى أن القصة قايمة على فكرة أن الأبطال بيحاولوا يدخلوا/ يخرجوا من مكان معين. ثم بيواجهم عائق، زي باب بيرفض الفتح أو سيارة واقفه قدام المدخل، ومن هنا الأبطال لازم يلاقوا طرق مختلفة للدخول، بيتواجهوا أثنائها مع بشر/ زومبي من الأعداء. النمط المتكرر ده قادر على اصابتنا بالملل أحيانا. وأصبحنا متوقعين طريقة اللعب بشكل كبير وان كنا مش متوقعين أبدا خط سير الأحداث.

الخلاصة بخصوص The Last of Us Part II

في The Last of Us Part II بنشوف لعبة ممتازة. مع طور قصة عظيم. لا يعيبه الا بعض الملل أثناء بعض المهام. وكون اللعبة غير مناسبة لكل اللاعبين. وطبعا بنتمنى يتم إضافة طول لعب جماعي، أو اصدار جزء ثالث، أو حتى تحويل اللعبة لفيلم أو مسلسل، وكلها حاجات ممكن تحصل في أي لحظة وناس كتير بتتكلم عن سيناريوهات مختلفة ممكن تحصل.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

زر الذهاب إلى الأعلى