قبل الشراء.. مميزات وعيوب الساعة الذكية الجديدة Amazfit GTS 4 Mini Smart Watch
كتب: فريق الموقع
هي كدة التكنولوجيا.. في البداية تبدأ علشان يبقى الواحد منظره كويس. وتكون حاجه غير اساسية في حياة الناس. وبعد كده تتحول لحاجه وعنصر اساسي في حياتنا اليومية. هو ده اللي حصل مع عالم الساعات الذكية اللي بدأت كقطعة اكسسوار علشان شكل الناس يبقى حلو. وبعد كده تحولت لقطعة اساسية في حياتنا. وده اللي حصل مع مع ساعة Amazfit GTS 4 Mini Smart Watch
الساعة بتيجي بتصميم جميل، وامكانيات متوافقة مع سعرها، وفي رأينا هي الساعة الأفضل للناس الغير متخصصة، يعني اللي مش بتمارس رياضة معينة وعاوزه نمط رياضي معين. وطبعا فيه بعض العيوب اللي لازم نقبل بيها، واللي هانستعرضها في موضوعنا عن الساعة وكمان بنرشح لكم الساعة كهدية ممتازة ممكن تقديمها. خاصة واحنا بنقترب من موسم نتيجة الثانوية العامة اللي بيكون كويس نقدم فيها للشباب الناجحين وجايبين مجموع عالي هدية ممكن تخليهم ياخدوا بالهم من صحتهم بشكل أفضل طوال الوقت.
هنتعرف مع ياقوطة على أهم المواصفات الفنية للساعة وأهم مميزاتها وعيوبها ولو الساعة عجبتك هتقدر تطلبها من خلالنا في ياقوطة ودلوقتي مع شهري، تقدر تشتري أي ساعة أو مستلزماتها بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
مواصفات ساعة Amazfit GTS 4 Mini Smart Watch
- اسم المنتج Amazfit GTS 4 Mini
- النوع: ساعة ذكية
- الصناعة: المونيوم وبلاستيك
- مادة صناعة السوار: سيليكون
- حجم السوار: 20mm
- مقاومة المياه: يوجد.
- القدرة على مقاومة المياه: حتى ٥ أمتار تحت المياه
- نوع الشاشة: AMOLED
- حجم الشاشة: 1.65 بوصة
- سعة البطارية 270 ملي امبير
- طريقة الشحن: الشحن اللاسلكي
- مدة الشحن: حوالي ساعتين
- مدة الاستخدام: حوالي ١٥ يوم
- ميكروفون: يوجد
- مكبر صوت: لا يوجد
- الدعم: اصدار Android 7.0 أو اعلى اصدار iOS 12.0 أو أعلى
مميزات ساعة Amazfit GTS 4 Mini Smart Watch
- تصميم الساعة حديث جدا ومقاربه لسلسلة الساعات الذكية من أبل. مع فرق ضخم في السعر
- الساعة بتيجي مع القدرة على تقديم قياسات لها علاقة بالنوم والتعمق فيه. ودي حاجه مش موجودة في ساعات تانيه في نفس الفئة السعرية
- كقيمة مقابل سعر تعتبر الساعة صفقة رابحة جدا ونرشحها كهدية للشباب في أعياد الميلاد أو عند النجاح
- دعم الحصول على الاشعارات من خلال البلوتوث كانت ميزة مش موجودة في الفئة السعرية دي خالص
- مقاومة للماء وبتيجي مع مستشعرات قياس درجة الحرارة وباقي قياسات الجسم الحيوية
- الشاشة بتستحوذ على مساحة كبيرة من تصميم الساعة بالتالي بتوفر تحكم افضل في عناصرها
- الساعة بتقدم قياسات لها علاقة بتتبع الدورة الشهرية للنساء
- القدرة على متابعة التمارين الرياضية والاداء البدني لمعظم التمارين الرياضية المتعارف عليها
عيوب ساعة Amazfit GTS 4 Mini Smart Watch
- عدم دعم الساعة استقبال المكالمات عليها يعتبر من أكبر عيوبها
- القياسات الحيوية اللي بتقدمها الساعة ماتصلحش لاتخاذ اجراءات طبية على أساسها. ولازم في الحالة دي يتم استعمال أجهزة طبية متخصصة.
- التصميم البراق للساعة في ايد المستخدم. مش معناه ان المواد المصنوعة منها قوية أو بتدوم لوقت طويل. بالتالي المستخدم لازم ياخد باله اثناء استخدام الساعة
- الشاشة مش بتيجي بطبقة حماية اضافية. بالتالي المستخدم إما يستعمل طبقة حماية للشاشة أو يستعملها بحذر لأنها هاتكون عرضة للكسور
- بنلاحظ بعض البطء في الاداء. بنضطر نستنى شوية بين الامر والاستجابة
- لا تدعم الساعة تشغيل شريحة محمول. بالتالي يظل استخدامها مقترن بوجود التليفون بالقرب منها
- الساعة مش بنلاقي فيها بعض مميزات ساعة Apple watch ultra زي الاتصال بالأقمار الصناعية في حالات الطوارىء، أو خاصية التتبع المكاني اللي بتكون مفيدة للمستخدمين في رحلات السافاري
تجربة المستخدم مع Amazfit GTS 4 Mini Smart Watch
- بعض المستخدمين اصحاب هواتف ايفون اشتكوا من عدم قدرتهم ربط الساعة بهواتفهم بسهولة
- أكتر من مستخدم اشتكى من استجابة الساعة للأوامر أو اللمس ونلاحظ أنها مش زي الساعات من الشركات الكبيرة زي أبل.
- على الرغم من دعمها للغة العربية لكن نوع الفونت العربي المستخدم على الساعة مش مريح للمستخدم
اتعرف على عروض أسعار ساعة Amazfit GTS 4 Mini Smart Watch من هنا.
اتعرف على عروض أسعار مختلف ساعات Amazfit المتوفرة على ياقوطة من هنا.
اتعرف على عروض أسعار مختلف أسعار الساعات الذكية المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

