المنزل الأمن والذكي
البيت مملكة المرأة وحصن الرجل. وشعورنا بالراحة والأمان في المنزل هو أول وأهم خطوة علشان نكون منطلقين في كافة تفاصيل حياتنا ونقدر نكون منتجين وسعداء.
ومع تطور التكنولوجيا تطورت الطرق اللي نقدر من خلالها نراقب منازلنا ونقفل أبوابنا بشكل صحيح بدون ما ننسى أحد الأقفال أو مانقدرش نعرف لو اندلع حريق أو مشكلة في المنزل أثناء غيابنا عنه.
والتأمين مش معناه أننا مانقدرش نستعين بواحد من الأهل أو الجيران أثناء غيابنا عن البيت اما علشان يضع أكل لحيوان أليف أو ينقذ المنزل من مشكلة كبيرة، لكن ازاي يقدر الجار يدخل المنزل بدون نسخة من المفاتيح؟ كل الحلول دي بتوفرها لنا أدوات تكنولوجية أصبحت في متناول ايدنا، والتحكم فيها أصبح سهل من خلال تطبيقات الهواتف الذكية.
تعالوا نتعرف على مجموعة من المنتجات اللي تخلي منزلنا أذكى وأكثر أمانا وبأفكار وحيل بسيطة للغاية.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
LG 360 Cam
على الرغم من أنها كاميرا مخصصة لالتقاط صور بنمط 360 درجة الشهير، إلا أننا نقدر نستخدم كاميرا LG 360 في مراقبة المنزل عن بعد من خلال استخدام الكاميرا ككاميرا مراقبة، أو حتى لو كنا موجودين داخل المنزل وعاوزين نشوف مين في الخارج أو حتى لمراقبة الأطفال اثناء نومهم أو لعبهم لأن كاميرا LG بتأتي مع تطبيق بيتيح للمستخدم التحكم الكامل فيها عن بعد من خلال تطبيق بيتم تنزيله على هواتف أندرويد
المواصفات الفنية:
|
الكاميرا |
كاميرا مزدوجة 13 ميجا بيكسل مع عدسات Wide Angel |
|
تصوير الفيديو |
نمط 360 درجة أو بجودة 1080 |
|
الصوت |
صوت بنمط Surround بكفاءة أداء 5.1 |
|
الذاكرة |
تحميل مقاطع الفيديو والصور على كروت الذاكرة Micro SD بالأضافة لرفع الملفات على Google street view |
|
ملاحظات |
لا يمكن تفعيل الكاميرا بدون توصيلها بكارت ذاكرة خارجية |
ممكن تشوف منتج LG 360 Cam من هنا
Fibaro Smoke Sensor
للحماية من خطر الحريق، ممكن يتم استعمال حساس للتنبيه ضد الحرائق ويتم وضعه في الأماكن اللي الخوف من اندلاع حريق فيها أكبر من غيرها زي المطبخ على سبيل المثال. تعالوا نتعرف أكتر على انذار الحرائق الألكتروني Fibaro Smoke Sensor
المواصفات الفنية
|
الطاقة |
يعتمد على البطارية القابلة للأزالة كمصدر للطاقة |
|
مستويات التنبيه الحراري |
3 مستويات |
|
أنواع التنبيه |
تنبيه بالصوت + تنبيه مرئي |
|
التحكم في مستشعر الحرارة |
الكترونيا من خلال تطبيق المحمول أو الكمبيوتر |
|
ملاحظات |
يقوم الجهاز باختبار نفسه تلقائيا كل 10 ثواني للابلاغ عن أي اعطال أو توقف عن العمل |
ممكن تشوف منتج Fibaro Smoke Sensor من هنا
August Smart Lock
أهم أمر بخصوص تأمين المنزل، هو تأمين باب المنزل، وهنا بتظهر أهمية القفل الألكتروني للمنزل، لأنه بيوفر الوقت والمجهود، ولأنه بيغلق نفسه اتوماتيكيا بعد اغلاق الباب يعني مش ممكن ننسى قفل الباب. كمان تقدر تفتح الباب أو تغلقه من خلال تطبيق للهواتف الذكية وانت قاعد في مكانك، بالإضافة لقدرة الباب على الإبلاغ الفوري لو أي شخص دخل أو خرج من باب المنزل.
مش بس كده لكن القفل الألكتروني بيقدر يعطيك أمكانية تسجيل أي شخص لدخول المنزل من خلال تليفونه الذكي، سواء كان بصفة دائمة زي الأهل أو مثلا في بعض أيام الأسبوع، والميزة دي بتكون كويسة جدا لو هاتترك المنزل وفيه حيوان أليف وعاوز تخلي جارك يضع له الطعام مرة أو اثنين في أوقات معينة
August Smart Lock بيقدم أيضا إمكانيات مختلفة لفتح الباب زي فتح الباب بمجرد الاقتراب منه أو أغلاق الباب بشكل اتوماتيكي بمجرد دخول المنزل أو بعده بفترة قليلة وغيرها من الأمكانيات.
المواصفات الفنية
|
الطاقة |
4 بطاريات من نوع AA قابلة للازالة (تأتي مع الوحدة) وتحتاج الوحدة 1.5 فولت |
|
الوزن |
حوالي 394 جرام |
|
الأبعاد |
3.4×2.2×3.4 أنش |
|
اللون |
الأبيض أو الأسود |
|
ملاحظات |
وحدة التحكم في القفل لا تلغي قفل وفتح الباب بالطريقة التقليدية، بحيث لو نسى المستخدم هاتفه أو حدثت أي مشكلة يستطيع المستخدم فتح الباب بالطريقة التقليدية. |
ممكن تشوف منتج August Smart Lock من هنا
Fibaro Door/Window Sensor
من أهم خطوات تأمين المنزل بالوسائل الحديثة والألكترونية، تأمين الباب والشباك والتأكد من عدم اقتحام أي شخص للشقة من خلال الباب أو محاولته دخول المنزل من خلال الشباك. ومن هنا بيظهر أهمية الـ Door sensor واللي بيقدر ينبهنا لما يحاول شخص غير مرغوب فيه التسلل من خلال الباب أو الشباك.
الوحدة بتيجي من قطعتين بيربطهم مغناطيس مع بعضهم البعض، ولو حاول أي شخص فتح الشباك أو الباب بتبعد القطعتين عن بعض ويبدأ الأنذار في العمل.
المواصفات الفنية:
|
الطاقة |
بطارية ليثيوم واحدة (تأتي مع الوحدة) وتدوم لحوالي 19600 ساعة عمل |
|
الوزن |
حوالي 50 جرام |
|
الأبعاد |
3×0.7×0.7 أنش |
|
اللون |
أبيض |
|
ملاحظات |
يتم التحكم في الوحدة من خلال تطبيقات الهاتف الذكي المتوافقة مع الهواتف اللي بتشتغل بنظام IOS و Android على حد سواء |
ممكن تشوف منتج Fibaro Door/Window Sensor من هنا
SmartThings Motion Sensor
بعيدا عن تأمين المنزل، ساعات بنحب نضيف بعض الأمور الصغيرة لكن المهمة في نفس الوقت، ومن ضمنها رغبتنا في تشغيل اضاءة الغرفة بمجرد دخولنا لها، ولمدة معينة من الوقت بيتم تحديدها، الموضوع ده بيوفر الوقت والجهد ويخلينا مانضطرش نشغل الأضاءة بنفسنا. كل حاجه هاتحصل بشكل اتوماتيكي صرف.
وعلشان نفعل الأمكانية دي هانحتاج Motion Sensor يتتبع حركة الشخص ودخوله للغرفة أو مغادرته لها، بالأضافة للمبات بتشتغل بنظام المنزل الذكي.
المواصفات الفنية
|
الطاقة |
بطارية واحدة من نوع CR2 والوحدة بتحتاج 100 فولت للعمل |
|
الوزن |
حوالي 45 جرام |
|
الأبعاد |
2×2×0.8 أنش |
|
اللون |
أبيض |
|
ملاحظات |
يتم التحكم في الوحدة من خلال تطبيقات الهاتف الذكي المتوافقة مع الهواتف اللي بتشتغل بنظام IOS و Android على حد سواء |
ممكن تشوف منتج SmartThings Motion Sensor من هنا
Fibaro motion sensor
نوع تاني من أنواع الحساسات للحركة، بيتميز بحجمه الصغير وسهولة تطويعه لأي هدف من أهدافنا، سواء كان تغيير درجة الحرارة في المنزل بشكل أتوماتيكي أو التحكم في الأضاءة وتشغيلها أو أطفائها في أوقات معينة أو حتى فتح وأغلاق الأبواب.
بيتميز Fibaro motion sensor بقدرته على التمييز بين البشر والحيوانات وقدرته على رصد أي حركة مهما كانت صغيرة ودقته الشديدة في باقي التفاصيل الصغيرة الخاصة به
|
الطاقة |
بطارية واحدة من نوع CR123A (تأتي مع الوحده) |
|
الوزن |
حوالي 9 جرام |
|
الأبعاد |
1.8×1.8×1.8 أنش |
|
اللون |
أبيض |
|
ملاحظات |
يتم التحكم في الوحدة من خلال تطبيقات الهاتف الذكي المتوافقة مع الهواتف اللي بتشتغل بنظام IOS و Android على حد سواء |
ممكن تشوف منتج Fibaro motion sensor من هنا
SkyBell
وأخيرا مع البديل الذكي عن (العين السحرية) واللي ممكن نعتمد عليه لمعرفة مين واقف أمام المنزل، سواء كنا في داخل المنزل أو في الخارج لقضاء أي مشوار، وبيتميز Skybell بسرعة وسهولة تركيبه وانخفاض ثمنه النسبي بين باقي أجهزة المنزل الذكي والأمن، بالأضافة لقدرته على نقل صورة نقية وواضحة للموجود أمام باب المنزل وممكن يتم تطويعه اما ككاميرا مراقبة أمام المنزل، أو كعين سحرية تشتغل فقط مع تشغيل الجرس الخاص بالوحدة.
|
الطاقة |
2 بطارية من نوع AAA (غير متضمنة مع الوحدة) |
|
الوزن |
حوالي 55 جرام |
|
الأبعاد |
2.8×0.9×2.8 أنش |
|
اللون |
أبيض أو أسود |
|
ملاحظات |
يتم التحكم في الوحدة من خلال تطبيقات الهاتف الذكي المتوافقة مع الهواتف اللي بتشتغل بنظام IOS و Android على حد سواء |
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

