مواصفات وأسعار تليفزيون سامسونج 43 بوصة سمارت بريسيفر داخلي
كتب: فريق الموقع
شركة سامسونج ممكن تكون مشهورة بالنسبة لكم كواحدة من أشهر مصنعين السمارت فون في العالم. ودي حقيقة. لكن بما أننا بنتكلم على الحقايق. شركة سامسونج هي أكبر وأهم صانع شاشات في العالم. لدرجة أن شركة بحجم أبل بتستخدم شاشات سامسونج في تليفوناتها. وده اللي أكسب تليفزيون Samsung 43″ LED FHD Smart Built In Receiver – T5300 أهميته: أنه بيلعب على أهم نقطة بيحتاجها أي حد بيشتري تليفزيون: جودة شاشة ممتازة. بسعر مناسب.
هانتعرف مع ياقوطة على مراجعة تليفزيون سامسونج 43 بوصة سمارت بريسيفر داخليوأهم مميزاته وعيوبه ولو التليفزيون عجبك هتقدر تطلبه من خلالنا في ياقوطة ودلوقتي مع شهري، تقدر تشتري أي تليفزيون أو مستلزماته بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
مواصفات تليفزيون سامسونج 43 بوصة سمارت بريسيفر داخلي
- نوع الشاشة: LED
- حجم الشاشة: 43 بوصة (متوفر ٤٠ بوصة)
- الدقة 1080 × 1920
- نظام الصوت: نظام Dolby Digital Plus
- مخرج الصوت: ٢٠ وات
- نوع السماعة: قناتان
- رابط Multiroom: موجود
- نظام التشغيل: Tizen
- عدد منافذ HDMI: ٢
- منافذ USB: ١
- مدخل المكون (Y/Pb/Pr) : ١
- مدخل المركب (AV): ١
- شبكة إيثرنت (LAN): ١
- مخرج الصوت الرقمي (بصري): ١
- نوع الحامل: MINI ARC
مراجعة تليفزيون سامسونج 43 بوصة سمارت بريسيفر داخلي
- الميزة الأساسية اللي بيقدمها تليفزيون سامسونج 43 بوصة سمارت بريسيفر داخلي هي أنه عارف كويس موقعه بين أجهزة التليفزيون التانيه. هو جهاز متوسط المواصفات. متوسط التكلفة. مش بيقدم أي انبهارات أو مفاجأت غير متوقعة بالنسبة لسعره. لكن في نفس الوقت – وقبل ما تفقد الشغف- لازم تعرف أن صديقنا الـ T5300 مش بيهزر فيما يتعلق الأمر بوظيفته الأساسية كتليفزيون. ونقصد هنا الشاشة.
- الشاشة في تليفزيون سامسونج 43 بوصة سمارت بريسيفر داخلي أكثر من رائعة. من حيث حقيقية الألوان، وتقديم جودة Full HD. بس التليفزيون مش بيكتفي بكده. ده بييجي مع خاصية Ultra Clean View اللي بتحلل المشاهد وتشيل التشويش والتشوه اللي ممكن يكون موجود في بعض المشاهد. وكمان خاصية Contrast Enhancer اللي بتحسن التباين. وبالتالي بتخلي المشاهد فيها حياة أكتر من الحقيقة.
- ولو كنت زينا من اللي بيتضايقو من المشاهد المظلمة بزيادة. تقنية الـ HDR هاتخلي اضاءة المشاهد أفضل من خلال تحسين الطريقة اللي بيتم عرض الألوان والاضاءة بيها على الشاشة. بس لازم نقول أن تجربة المشاهدة مش بالقدر ده من المثالية في نفس الوقت.
- السبب في ده: هو أن تفعيل كل خصائص تحسين المشاهدة على الـ T5300 بيخلي الصورة أحيانا (ناعمه) بزياده. والحركة عليها زي ما تكون مش طبيعية. وده ممكن يضايق المشاهد في الأفلام أو ماتشات الكورة، اللي بنبقى عاوزين نشوف فيها المشاهد الحقيقية بعيدا عن الجماليات.
- بالتالي ننصحكم أنكم تاخدوا بعض الوقت وتجربوا المشاهدة بدون أي تقنيات مساعدة قبل ما تبدأوا في تفعيلها. والميزة أن نظام تشغيل التليفزيون Tizen بيدي المستخدم تحكم شبه كامل في كل تفصيلة. كل ده من خلال قوائم واضحة، ومتاحة بمعظم لغات العالم على رأسها العربي والانجليزي طبعا.
- بس هنا في انتقاد لسرعة استجابة نظام التشغيل. اللي حسينا أن في بعض الأوقات أن فيها بطء استجابة. لكن بعد ثواني معدودة بترجع كل حاجه لطبيعتها
- أحلى حاجتين عجبونا في تليفزيون سامسونج 43 بوصة سمارت بريسيفر داخلي – بعد جودة الصورة طبعا- هي نظام الصوت، ومداخل التوصيل. تقريبا التليفزيون قابل للتوصيل مع أي جهاز تاني. سواء من خلال منافذ HDMI أو USB أو مدخل التليفزيون الارضي التقليدي، وطبعا مدخل ايثرنت لتوصيل الانترنت بالكابل مباشر من الراوتر للتليفزيون.
- طبعا كنا نتمنى التليفزيون يكون فيه القدرة على استقبال الملفات بالبلوتوث. بس لما نيجي نشوف السعر اللي بيتحرك فيه. نلاقي أن دي خاصية ممكن الاستغناء عنها. خاصة لو شوفنا الصوت اللي زي ما قولنالكم يعتبر من مميزات التليفزيون الأساسية لأنه صوت نقي ومحيط بالمشاهد. وفي رأينا أنه بالنسبة للأشخاص العادية مش هايحتاجوا يوصلوا مصادر صوت خارجية إلا لو عاوزين تعملوا نظام مسرح منزلي وما الى ذلك.
- الخلاصة: الـ T5300 عارف أنه تليفزيون بيلعب في منطقة تسعير متوسطة، بالتالي أهتم صناعه أنهم يحطوا للمشاهد أهم حاجه عاوزها في تجربة المشاهدة اليومية التقليدية: جودة صورة + جودة صوت + جودة سعر. باقي التفاصيل نحترم وجودها. لكن مش هاننصح بعدم شراء التليفزيون لعدم وجودها في نفس الوقت.
اتعرف على عروض أسعار Samsung 43″ LED FHD Smart Built In Receiver – T5300 من هنا.
اتعرف على عروض أسعار مختلف تليفزيونات سامسونج المتوفرة على ياقوطة من هنا.
اتعرف على عروض أسعار مختلف التليفزيونات المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

