عالم كاميرات المراقبة وأنظمة الحماية.
مع الأوضاع الأمنية الصعبة والمتغيرة اللي أصبحنا نواجهها مؤخرا، وانتشار عمليات السرقة والنصب، أصبحت محاولة تأمين المنازل والعمارات أو حتى المحلات وأماكن العمل من ضمن أولويات حياتنا واللي بيفكر فيها كل صاحب عمل أو حتى رب أسرة.
علشان كده كان لازم في ياقوطه نقدم لكم دليل عن كاميرات المراقبة وأنظمة الحمايه. وده تطلب مننا ناخد (غطس) طويل في عالم كنا بنحسبه في البداية بسيط ومحدود، لكننا اكتشفنا أن فيه ألف نوع ونوع، وألف طريقة وطريقة لتأمين البيت والمحل.. تعالوا نشوف ياقوطه بتقول ايه!
ليه عاوز تركب نظام مراقبه؟
السؤال الأهم اللي لازم كل واحد يفكر فيه قبل ما يبدأ عملية الشراء هي (ليه عاوز أركب نظام المراقبة؟) وأهمية السؤال ده انه بيحدد نوع نظام المراقبة اللي هايتم شراؤه، وهل الموضوع يحتاج التوسع ووضع ميزانية كبيرة أم أن مجرد كاميرا أو اتنين ممكن يفوا بالموضوع؟
عوامل اختيار نظام المراقبة
وعلشان تكون الأمور واضحة بالنسبة لنا، لازم نحدد مجموعة من العوامل اللي هايتم على أساسها شراء نظام المراقبة المناسب. والمعايير دي هي:
- هل نظام المراقبة مزود بنظام التنبيه عند الحركه Motion Detection
- هل النظام قادر على نقل البيانات والملفات من خلال شبكات Wi-Fi؟
- ما هو مدى كاميرات المراقبة وقدرتها على تغطية مساحات واسعة
- هل الكاميرات مزودة بتقنية التقاط الصوت؟
- هل الكاميرات يمكن التحكم فيها وتحريكها لتغطية مساحات مختلفة؟
- مدى قدرة الكاميرات على التقاط فيديوهات عالية الجودة HD؟
- هل الكاميرات قادرة على الصمود في ظروف الجو السيئة زي المطر؟
- وطبعا أهم نقطة… تكلفة نظام المراقبة.
أهداف شراء أنظمة المراقبة
والهدف الأول لشراء أنظمة مراقبة بتتمثل في إبعاد الحرامية أو المجرمين عن المكان، وفى الحالة دي بيتم تركيب كاميرات مراقبة كبيرة وواضحة علشان تعطي رسالة لأي شخص بيفكر يقتحم المكان إنه مراقب، ومش لازم تكون الكاميرات دي شغاله حتى! وبعض المتاجر بتبيع كاميرات وهمية Fake Security Camera بأسعار قليلة لمجرد التخويف!
والهدف الثاني من شراء أنظمة المراقبة هي مراقبة المكان اللي خايفين حد يدخله أو يمارس بداخله عملية نصب، زي محلات الذهب مثلا اللي بتحتاج يتابعها شخص مهتم بالأمن في المكان علشان يكشف محاولة أي شخص إنه يسرق أو يتحايل أو ينصب على البياعين في المكان. كمان نظام المراقبة ده ممكن يستخدم لمتابعة المحلات اللي بيكون لها واجهات واسعه على الشارع وصعب البائع يتابع البيع داخل المكان ويشوف الناس في الخارج في نفس الوقت علشان كده بيهتم بتركيب نظام مراقبة. وفى الحالة دي مش بيهتم صاحب نظام المراقبة بوجود ألية لتسجيل اللي الكاميرا بتلتقطه، وكمان مش بيهتم بوجود مايكروفون لالتقاط الصوت، وبيهتم فقط بمراقبة الصورة.
أما النوع الثالث من أنظمة المراقبة فا بيتمثل في الأنظمة المتكاملة والحديثة والمكلفة، ودى الأنظمة اللي بيتم تركيبها في أماكن زي البنوك أو شركات الصرافة أو سلاسل المحلات الكبرى، ودي بتعمل على تسجيل الصوت والصورة بتقنية عالية، بالإضافة لتفنيات منع اللصوص من الدخول بالأساس. من خلال إطلاق أجراس الإنذار وغيرها من الأمور.
النوع الأول: كاميرات وأنظمة المراقبة البسيطة
النوع الأول من أنظمة المراقبة هو النوع البسيط والغير مكلف، وبيكون نظام المراقبة في الحالة دي مكون من عدد كاميرات من واحدة الى 3 كاميرات على الأكثر، وبتكون متوصله بشاشه للمراقبة بتكون الشاشة فيها متقسمة لمربعات بعدد الكاميرات الموجوده.
رجعنا لياقوطه وعرفنا منها أن أحسن العروض الخاصة بأنظمة المراقبة بتقدمها سوق دوت كوم ثم جوميا دوت كوم. لكن كان من الواضح أن سوق هو المسيطر فيما يتعلق بالأسعار والأنظمة المختلفة.
ومن ضمن ترشيحات ياقوطه وصلنا لأول نظام مراقبه محترم وممكن تشوفوه من هنا وبيتكون من 4 كاميرات مراقبه ووحده تسجيل وعرض.
وبيتميز النظام ده بانخفاض سعره (2491 جنيه) مقارنة بباقي الأنظمة. بالإضافة لأن النظام الحالي بيسجل ويعرض التسجيلات، وبيسجل الصوت والصورة حتى 2 تيرا بايت ومش بيستهلك كهرباء كتير.
أبراهيم دخيل اللي اشترى النظام من على سوق دوت كوم بيقول : نظام متطور وصناعه جيده وسعر مناسب جدا، وأضاف أن أكثر ما لفت انتباهه للمنتج هو جودة الصناعة والسعر المناسب. أما أحد المستخدمين التانيين للموقع قال أن فعلا نظام المراقبة يعتبر رخيص بالنسبة للإمكانيات اللي بيقدمها.
لكن من عيوب النظام إنه مش بيدعم ميزة المشاهدة الاسلكية، بمعنى أن ماينفعش تراقب منزلك أو محل عملك وانت بعيد عن المنزل أو الشغل.
النوع الثاني: أنظمة المراقبة والتتبع المتوسطه
ومن تاني رجعنا لياقوطه، والمرة دي وصلنا من خلالها لنظام مراقبة متوسط سعره 4500 جنيه، ويعتبر سعرها متوسط نظرا للإمكانيات اللي بيقدمها.
نظام المراقبة مكون من 8 كاميرات متحركة ويمكن يتم اخفاءها بسهولة، مع أسلاك وماوس وجهاز تسجيل وعرض. يعني باختصار النظام بييجي معاه كل الأدوات الخاصة، لكن على العكس من النوع البسيط والسهل من أجهزة المراقبة، ممكن النظام ده يحتاج مساعدة من شخص متخصص لتركيبه.
الكاميرات بتصور الصورة بجوده عالية وبتسجل الصوت، كمان النظام بيقدر يعرض ويسجل ويراقب بشكل مباشر أثناء تصوير اللي بيحصل على أرض الواقع في نفس الوقت. علشان لا يفقد المهتمين بالنظام التسجيل والمراقبة ولو لمدة ثانية واحده.
الجديد في النظام انه ممكن صاحبه يتابعه من أي مكان في العالم من خلال خدمة الرفع على الإنترنت، واللي بتستلزم أن المكان يكون متوصل بخط انترنت سريع.
كمان النظام بيوفر اسلوب للمتابعة من خلال الموبايل (اندرويد أو أي أو اس) لتسهيل الاستفادة من نظام المراقبة والتتبع من أي مكان متصل بالإنترنت.
لكن معظم المستخدمين على سوق دوت كوم اشتكوا من عدم وجود وحدة تخزين مع نظام المراقبة، واضطرارهم لشراء نظام تخزين منفصل ومكلف.
لكن باقي المستخدمين قالوا إن ده العيب الوحيد في نظام التشغيل، وما فيش أي عيوب تانيه تم الشكوى منها.
النوع الثالث: أنظمة المراقبة القوية والكبيرة
والنوع ده مخصص للمنازل الفخمة والفيلات، أو المحلات الضخمة والبنوك. وبرضو رجعنا لياقوطه واللي رشحت لنا النظام التالي والمكون من 16 كاميرا بأشكال وأحجام مختلفة، تصلح للوضع في أي مكان سواء بشكل ظاهر للجميع أو مخفي، وكمان الكاميرات بتصور في الظلام أو النور، والكاميرات مقاومة للماء علشان تقدر تصور حتى في ظروف المطر، والكاميرات بتشتغل بتقنية الأشعة تحت الحمراء وبتغطي مساحة حتى 200 متر.
والجهاز بيقبل حتى 2 هارد خارجي بحد أقصى 4 تيرا بايت لتسجيل أكبر قدر ممكن، وكمان النظام مزود بمخارج USB و HDMI
سعر النظام 14467 ويعتبر سعر منخفض بالنسبة للإمكانيات اللي بيقدمها، والتقييمات اللي حصل عليها النظام معظمها إيجابية وتشجع على شراؤه.
لكن النظام بالتأكيد هايحتاج متخصص لتركيبه وتعليم كيفية التحكم فيه على الأقل في البداية.
والميزة في كل أنظمة المراقبة أنها مش هاتحتاج
حلول رخيصة وذكية
أما لو بتفكر في حلول بسيطة ورخيصة وذكية لإبعاد اللصوص عن منزلك أو محلك، بننصحك بالرجوع لبعض الأساليب القديمة والمؤثرة واللي لسه ليها القدرة على حماية الممتلكات، زي ترك أحد لمبات الإضاءة شغاله طوال الليل علشان تعطي الإيحاء بوجود حارس في المحل أو حركة في المنزل.
كمان بننصحك بتركيب باب مصفح لمنزلك أو محلك، والميزة أن الأبواب دي مش مكلفة (من 3000 الى 6000) على حسب الحجم والنوع. وميزتها إنها محصنة بنسبة 100% من الاقتحام، لكن مشكلتها الوحيدة لو نسيت المفاتيح بتاعة الباب هاتكون مشكلة كبيرة في محاولة الدخول من جديد.
- أما أخر النصائح هي تركيب جهاز إنذار على الأبواب أو الشبابيك. وعرفنا من ياقوطه تشكيلة كبيرة ورخيصة من أجهزة الأنذار اللي ممكن يتم تركيبها في دقايق معدودة، لكن فايدتها رائعة ولا تقدر بمال!
ونسيبكم في النهاية مع جدول بسيط يلخص لكم مجموعة من كاميرات المراقبة اللي بيتم بيعها على الإنترنت ومميزاتها وعيوبها وأسعارها.
|
الكاميرا |
السعر |
مكان الشراء |
المميزات |
العيوب |
تقييم المستخدمين |
|
CCTV Security Camera |
433 ج |
-أشعة تحت الحمراء. -تصميم صغير وعملي -سعر رخيص -سهلة التركيب |
-لا يوجد مراقبة عبرWI-FI -لاتغطي مساحة واسعة -غير مقاومة للمطر |
5 من 10 |
|
|
C-LAC-TL 3 |
500 ج |
-حساس رؤية عالي الجوده -جودة عالية للصورة -رؤية ليلية حتى30م -مقاومة لعوامل الجو |
-غير متحركة -لا تعمل عبر WI-FI -حجم كبير |
6 من 10 |
|
|
ترومان IP006 |
2345 ج |
-ماركة شهيرة -تعمل عبر الانترنت -تعمل عبرWI-FI -عدسة متميزة -جودة صورة رائعة -هيكل معدني قوي |
-سعر غالي -حجم كبير -ثابتة غير متحركة |
9 من 10 |
|
|
2C-La-D85L |
694 ج |
-سعر متوسط -قابلة للحركة -رؤية ليلية -حساسية عالية -خصائص وضوح الصورة |
-تصلح للمراقبة الداخلية -غير مقاومة للمطر -تصميم بلاستيكي |
6 من 10 |
|
|
وانسكام HW0023 |
999 ج |
-قابلة للظبط عن بعد -دعم لـ12 لغة -صورةHD -زاوية رؤية عالية -حساسية بالأشعة تحت الحمراء -المراقبة من التليفون -المراقبة عبر WI-FI -انذار في حالة الحركة -مقاومة للماء |
-حجم كبير جدا -يجب تحريكها باليد -لايوجد ذاكرة داخلية |
5 من10 |
أما أنظمة المراقبة اللي بترشحها لنا ياقوطه واللي ممكن تشوفوا قائمة كاملة لها من هنا فا اختارنا لكم بعض أفضل الأنواع زي:
نظام مراقبة متكامل من Truman تقدروا تشتروه من جوميا بمبلغ 3285 وبيمتاز النظام ده انه بيأتي من (ترومان) الشركة المتخصصة في أنظمة المراقبة وكتير من أنظمة الستلايت وغيرها من الأجهزة الكهربائية المهمة.
وبيمتاز النظام انه مكون من 4 كاميرات مراقبة بتصور بنظام HD واللي بتقدر تعرض اللي بتسجله الكاميرا في نفس الوقت اللي الكاميرات بتسجل فيه اللي بيحصل علشان لا تضيع ثانية واحده من المراقبة.
كمان ياقوطه بترشح لكم نظام مراقبة مميز من AHD ممكن تشتروه من سوق دوت كوم بسعر 2890 واللي بيمتاز بوجود 4 كاميرات مختلفة ومتناسبة مع أي بيئة أو مكان عاوزين نركبهم فيهم، والكاميرات ضد المياه وضد التراب وبيأتي النظام مع جهاز للتسجيل والعرض ونظام للرؤية والتسجيل أثناء الليل.
أما محبي مراقبة الأماكن الخارجية أكثر من مراقبة المنازل أو المحلات من الداخل فا بنرشح لهم النظام التالي من سوق دوت كوم واللي سعره 3567 لكنه بيحتوي على 4 كاميرات مراقبة خارجية مقاومة للماء والأتربة، واللي بيأتي مع جهاز للعرض والتسجيل بـ2 USB و1 HDMI للعرض والتسجيل بسهولة وسرعة. وده يعتبر أسهل وأسرع نظام مراقبة في مصر من حيث التركيب والتشغيل والفاعليه

