مزايا وعيوب رسيفر كيوماكس999 ميني.
كيوماكس تُعتبر واحدة من أشهر ماركات الرسيفرات في السوق المصري، وإن لم تكن أفضلهم، وده بسبب انخفاض سعرها النسبي مقارنة بباقي الرسيفرات في السوق، وتوافر قطع غيارها ومعرفة المتخصصين في الصيانة بيها. علشان كده قررنا نستعرض معاكم رسيفر كيوماكس 999 ميني واللي ممكن تشوفوه على ياقوطه من هنا
<iframe src=”https://yaoota.com/ar-eg/product/3059942/embed/” width=”560″ height=”315″ frameborder=”0″></iframe>
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
مواصفات الرسيفر
العلامة التجارية: كيوماكس
دقة الصورة: Full HD
اللغات المدعومة: العربية والأنجليزية والفارسية والألمانية والروسية وكتير من اللغات التانيه.
يدعم الاتصال بالإنترنت: لا
يفتح القنوات المشفرة: لا
يدعم البحث العشوائي عن القنوات: نعم
تقييم ريسيفر كيوماكس 999 ميني
التصميم:
المزايا:
تصميم صغير وقابل للوضع خلف التليفزيون.
سهولة في التركيب والتشغيل.
مزود بشاشة صغيرة ينفع تتثبت في أي مكان ظاهر علشان نعرف رقم القناة.
العيوب
تصميم من البلاستيك الخفيف القابل للكسر بسهولة.
الشاشة الصغيرة ممكن تقع على المدى الطويل.
تجربة المستهلك
تصميم الرسيفر جيد وممكن يُوضع خلف التليفزيون بسهولة بحيث ما يكونش ظاهر للناس، لكن التصميم من مكونات بلاستيك رخيصة وضعيفة وقابلة للكسر بسهولة وسرعة.
الإمكانيات:
المزايا:
- سهولة في استعمال إمكانيات الرسيفر.
- القوائم واضحة وسهلة وما فيش أي إمكانيات صعب الوصول لها أو مستخبية في القوائم.
- ميزة البحث العشوائي عن القنوات ممتازة.
- جودة الصورة ممتازة لحجم وسعر الرسيفر
العيوب:
- قوائم القنوات المفضلة مش بتفضل شغاله علطول وتحتاج إعادة ضبط كل شويه.
- لما تجرب تضيف تردد جديد لقناة بتاخد وقت وجهد كبير.
تجربة المستهلك:
على الرغم من أن قوائم الرسيفر سهلة الاستخدام ومافيش حاجه مستخبيه، لكن في نفس الوقت إمكانيات الرسيفر ضعيفة ومعظم المميزات المكتوبة على علبة الرسيفر مش بتشتغل بشكل حقيقي أو بتشتغل لوقت محدد ثم تحتاج إعادة ضبط من جديد، زي قوائم القنوات المفضلة مثلا.
الأجهزة والبرامج الملحقة
المزايا
- الرسيفر قابل لتوصيل أجهزة Hard Disk خارجية أو حتى Flash Memory
- الرسيفر ملحق ببرنامج داخلي لتشغيل ملفات الموسيقى والأفلام، والتسجيل من القنوات على الفلاش ميموري.
- الرسيفر بيقبل تنزيل ملفات القنوات وتحديثات النظام من الفلاش ميموري.
العيوب
- أماكن توصيل الفلاش ميموري في مؤخرة الجهاز بتخليها غير عملية.
- الجهاز مش بيشغل كل امتدادات الملفات زي .MKV مثلا الغير مدعوم
- الحد الأقصى لتشغيل أجهزة تخزين مع الرسيفر 1 تيرا بايت فقط.
تجربة المستهلك
الرسيفر بيقدم مجموعة من الإمكانيات الأفضل بكتير من سعره وحجمه، لكن في نفس الوقت واجهة الاستخدام مش سهلة زي ما كُنا متصورين، وده أدى لأن بعض الإمكانيات والخدمات أصبح استخدامها صعب وغير عملي.
التقييم النهائي:
لو محتاج رسيفر عملي ورخيص ومش بيعمل حاجه غير عرض القنوات Full HD على التليفزيون، كيوماكس999 هايكون مناسب. أما لو عاوز رسيفر فيه إمكانيات متطورة ويقدر يعلى امكانياته مع ارتفاع توقعاتك منه باستمرار، في الحالة دي ننصحك تبحث عن رسيفر تاني، وفى الحالة دي ننصحك بالابتعاد عن شركة كيوماكس بالكامل.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

