مقالات موقع Yaoota

تجربة استخدام هاتف Samsung Galaxy J7 Core

قراءة سهلة

على الرغم من عدد كبير من الانتقادات اللي بتتوجه لعملاق الهواتف المحمولة سامسونج بخصوص نظام التشغيل الخاص بها والمعتمد على نظام أندرويد، وتأخر وصوله لكتير من المستخدمين في بعض الأحيان، إلا أن سامسونج بتقدر تطرح أجهزة تحقق المعادلة الصعبة بين الأداء الجيد والسعر المناسب في نفس الوقت. تعالوا نعرف أكتر عن Samsung Galaxy J7 Core اللي تم طرحه حديثا من خلال تجربتنا في استخدامه.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

https://yaoota.com/ar-eg/product/samsung-galaxy-j7-core-16-gb-gold-4g-lte-price-from-souq-egypt

المواصفات التقنية

اللون

الوزن

البروسيسور

الرام

الكاميرا

الشاشة

الذاكرة

أسود-فضي-ذهبي

170 جرام

1.6 جيجا هرتز

2 جيجا بايت

الرئيسية 13 ميجا بكسل + أمامية 5 ميجا بكسل

5.5 بوصة بدقة HD

16 جيجا بايت

ملاحظتنا الأولى والأساسية على التليفون، واللي كانت ملاحظة إيجابية بالمناسبة هي أنه تليفون ينفع لجميع الاحتياجات. يعني لو المستخدم بيتفرج على فيديوهات كتير ها يعجبه الشاشة اللي بوضوح HD وبحجم 5.5 بوصة يعني حجم مناسب للجيب وفي نفس الوقت ممكن نتابع من خلاله الفيديوهات بشكل كويس.

الناس اللي بتحب تعمل مكالمات كتير وتقارن بين عروض شركات الاتصالات أوبشن الشريحتين مع التليفون هايكون مناسب بالنسبة لهم وها يفتح لهم خيارات كثيرة ومتنوعة. أما الناس اللي بتحب التصوير ها يجدوا كاميرا 13 ميجا بكسل رئيسية، وكاميرا أمامية 5 ميجا بكسل. وهنا ممكن تكون الكاميرا مش واعده قوي لكنها مناسبة للناس اللي بتستخدم الكاميرا لتصوير المناسبات والخروجات، أما المصورين المحترفين مش ها تناسبهم كاميرا التليفون.

تصميم التليفون

لو اتكلمنا عن تصميم التليفون ها نجد أن سامسونج ما بذلتش أي مجهود في تغيير الشكل الخارجي للتليفون علشان يكون مختلف عن باقي الطرازات اللي بتصدرها، حتى لو فيه اختلاف بيكون طفيف ومش ملحوظ من أول نظرة، ودي من العيوب اللي بناخدها على الجهاز.

لكن المميز كان وزن الجهاز الخفيف (حوالي 170 جرام) وحجمه المناسب للمشاهدة والحمل في الجيب في نفس الوقت، والأزرار الجانبية للهاتف مصنوعة بحيث أن المستخدم ما يضغطش عليها بالغلط أثناء اجراء المكالمات

الكاميرا

التليفون بييجي بكاميرا رئيسية خلفية بدقة 13 ميجا بكسل وهو رقم مناسب للاستخدام التقليدي وغير المحترف، لكن أداء الكاميرا كان قوي وبيقدر ياخد صور كويسة جدا في مستويات مختلفة من الإضاءة وده من العناصر الإيجابية في كاميرا التليفون.

أما الكاميرا الأمامية بقوة 5 ميجا بكسل فكانت أضعف من توقعاتنا للطراز ده خصوصا مع رغبة ناس كتير في التقاط صور سيلفي، وفي الحالة دي الكاميرا ممكن تكون أضعف من توقعات المستخدمين.

الشاشة

تعتبر الشاشة من أهم عناصر قوة Samsung Galaxy J7 Core على الرغم من حجمها اللي ممكن البعض يشوفه صغير نسبيا 5.5 بوصة، لكن الشاشة بتعرض بدقة HD وده مناسب جدا للتليفون، لكن بعض المستخدمين كانوا متوقعين الجودة تكون Full HD بما أننا في عصر بيتجه بسرعة نحو عالم الـ 4K والدقة الكبيرة جدا في الشاشات. وفي المقابل الشاشة بتتمتع بتكنولوجيا Super AMOLED بعمق 16 مليون لون لكن بدون دعم للـ Spen

الاتصال

المميز في التليفون أنه بياتي بدعم لشريحتين اتصال وده ها يوفر كتير على مستخدميه خاصة مع زيادة أسعار كروت الشحن مؤخرا واحتياج كتير من المستخدمين لأكتر من اختيار قبل أجراء المكالمات، كمان التليفون بيدعم شبكات الجيل الثالث والرابع وتقنيات بلوتوث وواي فاي و GPS لكن بيعيب التليفون أنه مش متوفر فيه تقنية NFC أو الاتصال قريب المدى.

المواصفات التقنية

التليفون بيأتي بمجموعة من البرامج والتطبيقات اللي تعتبر مميزة جدا بالنسبة للفئة بتاعته، زي تقنية Kies اللي بتربط التليفون بجهاز الكمبيوتر بسرعة وسهولة، وبكده ممكن تدير الجهاز بالكامل من جهاز الكمبيوتر وتخزن بياناته المهمة لضمان عدم ضياعها.

كمان الجهاز بيدعم التصوير بتليفزيونات HD لعرض الصور والفيديوهات عليه مباشرة، لكن ده بيتطلب شراء محول HDMI بيتباع بشكل منفصل عن الجهاز.

أخر خاصية جيدة شوفناها في التليفون كانت خاصية Dual messenger واللي بتخلي مستخدم التليفون يقدر ينزل أكتر من نسخة من نفس التطبيق ويدير أكتر من حساب messenger أو whatsapp بدون ما يضطر لتغيير شريحة الاتصال.

تجارب المستخدمين

من العيوب اللي أشار اليها أحد المستخدمين هي أن كاميرا الموبايل مش بتشتغل بالقوة والكفاءة المتوقعة منها، كمان تصميمها بشكل ملاصق للجزء الخلفي من التليفون بيخليها ممكن تتعرض للخدش من كثرة وضع التليفون على أسطح خشنة.

كمان شوفنا بعض الشكاوى من انخفاض صوت الموبايل في النغمات وغيرها، وعمر البطارية اللي يعتبر ضعيف نسبيا. كمان عدم وجود حماية للشاشة Screen protector كان مزعل ناس كتير.

أما على صعيد الإيجابيات المستخدمين كانوا مبسوطين من السرعة النسبية لفتح التطبيقات، وشاشة الموبايل الـ HD كانت مرضية لعدد كبير منهم، بالإضافة للبرامج الملحقة بالجهاز واللي عجبهم جدا، وقارن المستخدمين بين التليفون وتليفونات تانية من نفس الشريحة السعرية في شاومي مثلا وكانت النتيجة في النهاية إيجابية لصالح سامسونج.

شوف موبايل Samsung Galaxy J7 Core من هنا

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

زر الذهاب إلى الأعلى